Ovdasiidu / 8 Jagiáiggi / 11 Sámi áigegova kultureahket

11 Sámi áigegova kultureahket

Sámemusea Siida lágida oassin jagi 2018 Ijahis idja festivála 11 Sámi áigegova kultureahkeda. Kultureahket čalmmustahttá dálá áiggi sámekultuvrra girjáivuođa ovttat sámiid muitalusaid bokte. Dáhpáhusas 11 Sámi áigegovva -čájáhusa dahkki, kulturdutki Jorunn Eikjok muitala čájáhusas, dan ulbmilis ja muitalanvugiin. Lassin mielde leat bovdejuvvon guossin oassi čájáhusa olbmuin, geaid iežas muitalusat govvidit makkár lea sámi eallin dálá máilmmis. 11 Sámi áigegova kultureahket lea Siidda auditorias bearjadaga 17.8.2018 dii 16-18. Dáhpáhus lea davvisámegillii ja dilálašvuođas lea dulkon suomagillii ja eaŋgalašgillii. Auditoria ovdanbuktimiid maŋŋá lea vejolaš oahpásnuvvat čájáhussii, ságastallat čájáhusa dahkkiiguin ja ávvudit ovttas sámi girjáivuođa ja eallinvuoimmi.

Goas
Bearjadat 17. Borgemánnuta 2018, 16.00
nohká
Bearjadat 17. Borgemánnuta 2018, 18.00
Oktavuođaolbmo namma Áile Aikio
Contact Email
Oktavuođaolbmo telefonnummir +358 40 75 67 637
lasit dáhpáhusa kaleanddarii vCal
iCal

11 Sámi áigegova -čájáhus muitala 27 sápmelaččas ja sin birrasiid dálá dilis sin iežaset čalmmiiguin. Čájáhus čájeha govaid, videoid ja olbmuid iežaset muitalusaid bokte sámekultuvrra girjáivuođa, muhto maiddái sámeolbmuid vásáhusaid sullasašvuođain. Čájáhus háliida loktet oidnosii sámevuođa eallinvuoimmi, muhto maiddái ovttaskas sápmelaččaid eahpádusaid, válljejumiid ja ruossalasvuođaid, mat laktásit sápmelašvuhtii. eahpádusaid, válljejumiid ja ruossalasvuođaid, mat laktásit sápmelašvuhtii. Sámit ovddastit čájáhusas dálá áiggi eamiálbmoga.

Sosiálaantropologa ja kulturbuvttadeaddji Jorunn Eikjok lea jearahallan 11 Sámi áigegova -čájáhusa várás 27 sápmelačča njealji riikkas. Jearahallamiin leat mielde julevsámit, nuortalaččat, davvisámit, máttasámit ja gielddasámit. Beali eatnigiella lea sámegiella. Norgalaš govvejeaddji Ola Røe lea govven jearahallon olbmuid ja čájáhusa govvamateriála.

11 Sámi áigegova -čájáhus beassá oaidnit Siiddas 11.11.2018 rádjái. Čájáhusa lea buvttadan Várjjat Sámi musea. Čájáhus lea heivehuvvon Sámemusea Siidii ovttasbarggus Eikjokiin ja Røeniin. Sámeráđđi lea mielde ruhtadeamen čájáhusa.

Lassedieđut sisdoalus:

Jorunn Eikjok

jeikjok@gmail.com

Subscription URL: http://www.siida.fi/sisdoallu/8-jagiaiggi/11-smi-igegova-kultureahket/icalendar_export_event

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari