Áimmut čoaskugohtet ja muohttá bissovaš muohttaga. Maŋimuš njuvččat ájahallet vel suttiin ovdal bárbmomátkki, ja guoikgáhrihat máhccet fas iežaset dálvádansajiide. Anárjávrri viiddis jarkŋat jikŋot skábmamánu loahpas. Beaivvit otnot ja otnot, ja skábmamánu loahpas álgá skábma – alit gepmosa áigi. “Marraskuu” lea davvisámegillii skábmamánnu.

Čakčadálvve, go bohccot leat joliin, njuvvojuvvojit niestebohccot, maid bierggut heŋgojuvvojit giđđadálvve goikat goikebiergun. Njuovvama oktavuođas váldojuvvojit rádjui varra ja čoalit. Varas ráhkaduvvojit dasto gumposat ja čoliin ja varas fas márfojuvvojit márffit. Vuosttasin vuššojuvvo goittot vuos albma čielgebiergomálli.