Ovdasiidu / 8 Jagiáiggi / Giđđageassi

Giđđageassi

Giđđageassi lea duojáriidda hohpolaš áigi: bohcconáhkiid navildeapmi, osten ja dipmadeapmi čáppa ruškes sistin lea áddjás ja lossa bargu. Ostema várás njalahuvvojit valjis sieđga- ja soahkeosttut. Osttuid lea álkimus fidnet njallin, goas muoraid bárku luovvana álkit. Njallin omarduvvojit maiddái soahke- ja beahceveattit duddjoma várás. Njalli lea guohcadakŋasa lieđđuma áiggiid.

Ijahis idja dahjege boatkkahis geassebeaivi lea davvimáilmmi mihtilmasvuohta: Beaivi báitá birra jándora. Beaivváža suotjariid boahtinčiehka lea uhcci, ja danin čuovga lea linis iige leat menddo báhkka. Álgogeasis lea duollet dálle oanehis čoaska áigodat, goas sáhttá juoba muohttit. Šattuid lieđit leat bahá galbmot, ja galmmas sáhttá bilidit maiddái dan geasi luome- ja sarritšattu. Meahci gourmet-hersko, bealljeguoppar, lea geassemánus čoagginmuttus.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari