Ovdasiidu / 8 Jagiáiggi / Giđđadálvi

Giđđadálvi

Állahat ja njuvččat buktet mielddiset giđđadálvvi: dat leat vuosttas bárbmolottit, mat bohtet davás bessensajiidasaset. Davvisámegillii "maaliskuu" lea njukčamánnu. "Huhtikuu" fas lea cuoŋománnu: beaivváža liekkas oktan biekkain ja idjabuollašiiguin garrada muohttaga – ja nu cuoŋuda. Šerres beaivvádatbeaivvit gullet alimus giđđadálvái.

Sámiid deháleamos basit deivet giđđadálvái. Márjjábeaivi lea leamaš dehálaš girkolaš bassi. Beassážiid áigge leat čoahkkanan márkanastit ja heajastallat. Giđđa lea leamaš sámiid gaskkas sosiálalaš eallima ealaskeamos áigi. Heahtá Márjjábeaivvi doaluid prográmmas leat girkostallamiid lassin sámemusihkkakonsearttat, dánsumat ja heargevuodjimat jieŋa alde.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari