Ovdasiidu / 8 Jagiáiggi / Guhkkin Davvin - Mátki lundui govaid ja šuoŋaid bokte

Guhkkin Davvin - Mátki lundui govaid ja šuoŋaid bokte

Ođasvuohta jagi 2014 Camera Borealis -dáhpahusas lea luonddugovaid ja ealli musihka ovttastahtti govvakonseartta. Konseartta ordnet ovttasbargun Kaamosjazz -dáhpáhusain.

Goas
Lávvardat 22. Skábmamánnuta 2014, 17.30
nohká
Lávvardat 22. Skábmamánnuta 2014, 19.30
lasit dáhpáhusa kaleanddarii vCal
iCal

Guokte Anára árbevirolaš dáhpáhusa Camera Borealis ja Skábmajazz (Kaamosjazz) ordnejit ovttasbarggus musihka ja luonddugovaid ovttastahtti govvakonseartta Sámekulturguovddáš Sajosis skámamánus. “Guhkkin Davvin – Mátki lundui govaid ja šuoŋaid bokte” -govvakonsearttas vásihit Martti Rikkosa govvačájáhusa sámeartista Niillas Holmberg kvarteahta ealli musihka mieđuštemiin. Dilálašvuođa álggus gullat bihtáid Ruonáeatnanlaš inuihttamusihkkár Simon Lynge prográmmas.

Sápmelaš diktačálli, musihkar ja neavttár Niillas Holmberg lea eret Ohcejogas. Joavkkus leat mielde multi-instrumentalisttat Roope Mäenpää, Linda Fredriksson ja Teho Majamäki. Govvakonsearttas gullat árktalaš folkmusihka davvisámegillii. Niillas Holmberg kvarteahta musihkas čudjet Sámi luonddu čábbodat ja guorbbasvuohta, sápmelaš eallinfilosofiija ja oskumušat ja oarjemáilmmi olbmo nohkameahttun oamasteami dárbbuid imaštallan.

Martti Rikkonen lea Anárii ásaiduvvan ánssolaš luonddugovvejeaddji ja luondduáššedovdi. Luonddugovven lei álggos nuorra gándda áigeádji, mii maŋŋelis šattai ámmáhin. Otná beaivve Martti Rikkonen lea árvvus adnojuvvon luonddugovvema meašttir, guhte lea čoaggán beaggima earret eará Jagi luonddugovva -gilvvohallamis, man son lea vuoitán guktii. Rikkonen lea doaibman Camera Borealis -dáhpáhusa dáiddalaš jođiheaddjin oppa dáhpáhusa historjjá áigge. Govvakonsearttas oaidnit fiinna davvi luonddugovaid su máŋggabealat karrieara áiggis.

Govvakonsearta ordnejuvvo lávvardaga 22.11.2014 diibmu 17.30 rájes sámekulturguovddáš Sajosis Anáris. Ovdabileahtaid vuovdin lea álgán Siiddas, Sajosis ja www.lipputoimisto.fi -bálvalusas, maid Meahciráđđehusa Avvila ja Suoločielggi bálvalanbáikkis.. Bileahtaid hattit leat 25 € ovddalgihtii ja 30 € uvssa luhtte. Dáhpáhussii ordnejuvvo sáhttu Avvilis ja Suoločielggis. Báikkiid sihkkarastima dihtii gánneha oastit bileahta ovddalgihtii Suoločielggi bálvalanbáiki Kiehisis dahje Meahciráđđehusa Avvila bálvalanbáikkis. Sáhtu haddi lea 10 €.

Guhkkin Davvin – mátki lundui govaid ja šuoŋaid bokte -govvakonseartta sáhttá čuovvut maiddái Livestreama bokte Suoma luondduguovddáš Haltias, Esbos. Luondduguovddáš Haltiai lea nuvttá sisabeassan.

Govvakonseartta maŋŋá eahket joatkašuvvá Hotealla Anára Kultahovis, gos lea Camera Borealis & Greenland Eyes Jam Session Simon Lynge meloda musihkain. Lynge lea riegádanriikkas Ruonáeatnamis stuorra násti, guhte buktá Anárii Greenland Eyes -filbmafestiválaid. Jam Sessionii lea nuvttá sisabeassan.

Camera Borealis –dáhpáhusa ordne Meahciráđđehusa Davvi-Sámi luondduguovddáš Siida. Kaamosjazz dáhpáhusas vástida Inari-Saariselkä Matkailu Oy.

Subscription URL: http://www.siida.fi/sisdoallu/8-jagiaiggi/guhkkin-davvin-mtki-lundui-govaid-ja-uoaid-nokte/icalendar_export_event

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari