Ovdasiidu / 8 Jagiáiggi / Mánáid sámegielat filbmáleairra

Mánáid sámegielat filbmáleairra

Meahciráđđehus lágida Čeavetjávrris 10.-12.8. sámegielat ealligovvaleairra jo goalmmát geardde. Leairras oahpásmuvvat guovllu lundui ja kultuvrii ja dahkat dieđusge ealligovaid. Jagi 2015 leairra temán lea nuortalaškultuvra.

Goas
10.08.2015
nohká
12.08.2015
lasit dáhpáhusa kaleanddarii vCal
iCal

Bures boahtán leirii leat sámeguovllu ja eará guovllu sámegielat mánát. Leairra áigge bargobájiin oahpásmuvvat earret eará jávrebivdui sáimmaiguin, nuortalaškultuvrii ja nuortalaččaid historjái ja maiddái ealligovaid dahkamii. Mánát besset ieža giehtačállit ja neaktit ealligovain. Ealligovat čájehuvvojit Yle Sápmi sámegielat Unna Junná -mánáidprográmmas ja lassin dahkat oanehis filmmaid Meahciráđđehusa iežas atnui.

Leairra doaibma ordnejuvvo anáraš-, nuortalaš ja davvisámegillii. Leairras lea sadji oktiibuot 20 mánnái: anáraš- ja nuortalašgielagat šihttet fárrui guhtta goappáge giellajoavkkus ja davvisámegielagat gávcci. Báikkiid devdet almmuhanortnega mielde ja jus muhtun giellajoavku ii dieva de várresaji mánát besset mielde. Čeavetjávrái ordnejuvvo fievrredeapmi sihke Avvila ja Ohcejoga guovllus. Leaira lea oasseváldiide nuvttá.

Almmuheapmi leirii lea álgán ja dat nohká 31.7. Leirii almmuheapmi dáhpáhuvvá šleađgapoastta bokte ja poasttas galgá máinnašit máná nama, agi, giela ja fuolaheaddji oktavuođadieđuid. Almmuheapmi lea čadni. Almmuhan olbmuide sáddejuvvo dárkilut almmuhanskovvi ja leairra prográmma. Šluhttemis almmá dohkálaš ákka 3.8. maŋŋá berrojuvvo 50 € šluhttenmáksu.

Leairra lagiduvvo ovttaš Sámemusea Siidan ja Yle Sápmin.

Bures boahtin!

Almmuheamit: Ida Ikonen, ida.ikonen(at)metsa.fi, 040 557 4516

Subscription URL: http://www.siida.fi/sisdoallu/8-jagiaiggi/mnid-smegielat-filbmleairra/icalendar_export_event

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari