Siidda čájáhusat
Siidda čájáhusat muitalit sámiid historjjás ja kultuvrras sihke davimus Lappi luonddus. Alladássásaš vuođđočájáhusaid leat dievasmahttimin moanat miellagiddevaš molsašuvvi čájáhusat. Siidda čájáhusfálaldagain vástideaba searválagaid Sámemusea ja Meahciráđđehus.
Vuođđočájáhusat
Sámekultuvra ja -luondu laktáseaba nubbi nubbái – dat ovdanbuktojuvvoba Siiddas oktan čájáhusollisvuohtan. Čájáhusain eai fála dušše dieđalaš dieđuid muhto maiddái visuála vásáhusaid. Fiinna čuovgagovat, eakti dávvirat ja rikkis jietnamáilbmi dahket čájáhusgallestallamis hui máŋggabealat vásáhusa.
Láidehusčájáhus
Láidehusčájáhusas ovdanbuktojuvvo davviguovlluid luonddu ja kultuvrra ovdáneapmi áigelinnjáin, mii gokčá oppa máilmmihistorjjá. Dasa lassin čájáhusas ovdanbuktojit arktalaš guovllu álgoálbmogat ja Davvi-Eurásia boazodoalliálbmogat sihke sámegiela sierrananmuttut. Láidehusčájáhusa dávvirat laktásit guovllu arkeologalaš historjái.
Váldočájáhus
Siidda váldočájáhusas leat siskálagaid Davvi-Lappi luonddu ja sámekultuvrra ovdanbukti oasit. Čájáhusa temán leat ceavzinstrategiijat davviguovlluid goavis dilis sierra jagiáiggiid áigge. Kulturoasis čilgejuvvo, main ávdnasiin sámi etnihkalašvuohta ja dálá identitehta leat čohkiidan. Luondooasis govviduvvo jahkodatritma oktan dasa gullevaš beliiguin Davvi-Lappis.
turismainfo
