Ovdasiidu / Čájáhusat / Du čájáhus Siiddas?

Du čájáhus Siiddas?

Sámemusea ja luondduguovddáš lágideaba Siiddas jahkásaččat moanaid molsašuvvi čájáhusaid. Sámemusea ovdanbuktá čájáhusainis sámekultuvrra, -dáidaga ja -duoji. Luondduguovddáža molsašuvvi čájáhusain ovdanbuktojuvvo davviluondu.

Sámemusea čájáhusdoaimmas guovddážis lea sámekultuvrra máŋggaláganvuođa ovdanbuktin.  Musea buvttada čájáhusaid, main ovdanbuktojit sámi máilmmigovva, dávvirmáilbmi ja vuoiŋŋalaš kulturárbi buot beliidisguin. Čájáhusain ovdanbuktojuvvo erenoamážit árbevirolaš sámeduodji. Seammaláhkai ovdan leat leamaš maiddái sámeservodaga siste buvttaduvvon moderna govvadáidda ja ealligovva. Sámemusea čájáhusain ovdanbuktojit duollet dálle maiddái máilmmi eará álgoálbmogiid kultuvrrat.

Luondduguovddáža lágidan čájáhusaid vuođđun lea davviluonddu, dan ihtagiid ja máŋggahápmásašvuođa ovdanbuktin. Čájáhusain dán fáttá lahkonit luonddusuodjaleami, birasbajásgeassima ja lundui guoskevaš dáidaga perspektiivvas. Lea dehálaš čalmmustahttit báikkálaš máhtu, nugo maiddái ovdanbuktit guovllu olggobealde boahtán oainnuid ja álbmogiidgaskasaš perspektiivvaid.

Siidda doaibmit eai láigot čájáhussajiid olggobeale čájáhuslágideaddjiide. Doaibmit dollet alddiset vuoigatvuođa válljet čájáhusceggejeaddjiid.

Lassedieđut:
Sámemusea čájáhusat: Museahoavda Sari Valkonen, tel. +358 (0)40 767 1052, sari.valkonen(a)samimuseum.fi

Meahciráđđehusa luondduguovddáža čájáhusat: Spesiálaplánejeaddji Pasi Nivasalo, tel. +358 (0)206 39 7749, pasi.nivasalo(at)metsa.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari