BoazoFashion
BoazoFashion-čájáhus rahppo maŋŋebárgga 18.5.2010 Siiddas, Anáris Riikkaidgaskasaš museabeaivve. Čájáhusa duohkin leat Sámi oahpahusguovddáža Poro muotiin -prošeakta ja Sámemusea Siida. Čájáhus ii leat mihkkigege áibbas dábálaš čájáhusaid, dasgo dat guorada fashionmáilmmi shoppengáhtaid. Fashiongáhta násti lea dieđusge boazu ja gáhtá alde sáhttá oaidnit hutkás desing ja dujiid, mat leat duddjojuvvon boazomateriálas.
| Goas |
18.05.2010
nohká
19.09.2010
|
|---|---|
| Oktavuođaolbmo namma | Arja Hartikainen |
| Contact Email | arja.hartikainen@samimuseum.fi |
| Oktavuođaolbmo telefonnummir | +358 (0)40 579 3313 |
| lasit dáhpáhusa kaleanddarii |
vCal
iCal
|
|
|
|
Sápmelaččat leat juo don doloža rájes duddjon gárvvuideaset, bivuideaset ja atnubiergasiiddiset dain materiálain maid oaččui bohccos, degomat sisttis, dorkkas, duoljis, čoarvvis, dávttis ja suonas. Dán áigge olbmot eai šat ávkkástala bohcco seamma láhkai go ovdal. Poro muotiin -prošeavtta oktan ulbmilin leage lasihit boazomateriála geavaheami ja dahkat dan maid dovddusin. BoazoFashion-čájáhusa fashiongáhta alde boazu loktejuvvo seamma dássái máilmmi bivnnuhis fashionmearkkaiguin.
PoroFashion-čájáhussii leat čohkkejuvvon Poro muotiin -prošeavtta Boazo IN! -designgilvvu duojit ja maiddái duodjebargobiejuid duojit. Poro IN! -designgilvvu ulbmilin lei movttiidahttit olbmuid hutkat ođđa buktagiid boazomateriálas ja dahkat dovddusin bohcco duodjemateriálan nu, ahte maiddái Mátta-Suoma hábmejeaddjit ja desingnárat oahpašedje dovdan ja geavahit dan. Mearreáigái bohte 47 gilvoduoji, main lávdegoddi válljii guokte vuoiti: Skađi-čiŋat, maid Katja Lettinen lei duddjon ađadávttis ja silbbas, ja lohkkalas máhcastatniibi, man Pekka Tuominen lei duddjon stállis ja čoarvvis. Dáid ja máŋggaid eará ođđa desingdujiid sáhttá finadit geahččamin Siidda BoazoFashion-čájáhusas, mii lea rabas olles geasi gitta čakčamánu 19. beaivve rádjái.
Poro muotiin -prošeakta lea Sámi oahpahusguovddáža prošeakta, man ulbmilin lea ovddidit sámi ealáhusaid. Prošeavtta lea ruhtadan Lappi BE-guovddáš Davimus Lappi Leader rs bokte. Ruhtadeamis oassi boahtá EU:s. Prošeakta lea jođus 1.7.2008–30.11.2010. BoazoFashion-čájáhusa ordnejit Poro muotiin -prošeakta ja Sámemusea Siida.
Maŋŋebárgga 18.5.2010 Siiddas ávvudit riikkaidgaskasaš museabeaivvi ja olles dan beaivvi Siidda čájáhusaide beassá nuvttá. BoazoFashion-čájáhus lea rabas buohkaide diibmu 14.30 rájes. Prográmmas lea ee. BoazoFashion-fashiončájáhus diibmu 15.00. Gaskavahkku 19.5.2010 ordnejuvvojit BaozoFashion-bargobiejut Anára skuvllalaččaide.
Siida lea rabas 31.5. rádjái maŋŋebárggas sotnabeaivái diibmu 10-17 (vuossárggaid gitta). Geassemánu álggu rájes Siida lea rabas juohke beaivve diibmu 9-20.
Lassedieđut ja preassagovat:
Prošeaktajođiheaddji Virpi Jääskö, Poro muotiin -prošeakta, Sámi oahpahusguovddáš (SOG) , tel. +358 (0)400 158 548, e-boasta virpi.jaasko(at)sogsakk.fi, dahje
Intendeanta Arja Hartikainen, Sámemusea Siida, tel. +358 (0)40 579 3313, e-boasta arja.hartikainen(at)samimuseum.fi
turismainfo
