Goavdásiid Eadni - Elle Máret Helandera dáiddagoavdásat
Čájáhusa ”Goavdásiid eadni” lea sámedáiddár Elle Máret Helander, guhte lea eret Roavesavvonis Deanuleagis. Dáiddagoavdásiidda málejuvvon govain bohtet ovdan sámemuitalusat muhtumassii árbevieru vuođul, muhtumassii ođđa vuogi mielde. - ”Go ráhkada goavdása, de dat sáhttá leat olbmui maiddái buorideaddji vásáhus ”, dadjá Helander.
| Goas |
11.06.2010
nohká
10.10.2010
|
|---|---|
| Oktavuođaolbmo namma | Arja Hartikainen |
| Contact Email | arja.hartikainen@samimuseum.fi |
| Oktavuođaolbmo telefonnummir | +358(0)405793313 |
| lasit dáhpáhusa kaleanddarii |
vCal
iCal
|
|
|
|
Elle Máret Helander (rieg. 1950) lea eret Roavesavvona gilis Deanuleagis. Son lea leamaš ealáskahttimin sámi goavddesárbevieru ja son lea maiddái ”Áŋŋela nieiddaid ”, Ursula ja Tuuni eadni. Elle Máret goarui nieiddaguoktái loaiddastangárvvuid ja ráhkadii sudnuide goavdásiid, maid soai geavaheigga iežaska árbevirrui vuođđuduvvi moderna musihkas. Elle Máreha vuosttas málagovatge riegádedje dáid čuojahanrusttegiid bajildussii. Sutnje Siidda čájáhus lea juogalágan 60-jagiávvudeapmi ja máhccan ”iežas eatnamii”. Elle Márethan barggai máŋggaid jagiid iežas turismafitnodagain.
Dán čájáhusa goavdásiid ruŋgu lea ráhkaduvvon subis. Suhpi vuššojuvvo ja sojahuvvo gierdun fuorpma birra. Fuorbma váldojuvvo eret ovdal goikama ja goavddis oažžu ná iežas loahpalaš orgánalaš ja eahpesymmetriijalaš hámi. Goavddesassi ráhkaduvvo sisttis. Govvosat leat málejuvvon akrylaivnniiguin eaige leat árbevirolaš vuogi mielde govvejuvvon leaibeosttuin.
Sámenoiddiide goavddis lei gulahallanneavvu ipmilmáilbmái ja sii geavahedje dan ee. dálkkodanrihtain. Elle Máret Helander ii háliidivčče olbmuid ballat goavdásiin muhto sii galggašedje baicce oaidnit daid oassin sámi rikkis kulturárbbis. Goavdása ráhkadeapmi ja govven sáhttá leat olbmui geasuheaddji mátki iežas vássánáigái ja otnábeaivái.
Helandera goavdásiid govusmáilbmi vuođđuduvvá muhtun muddui árbevirolaš sámegoavdásiid hervenvuohkái. Dáiddára bargovuohkái addá iežas originála lasi dat, ahte son lea laktán árbevirolaš symbolaid jovkui iežas persovnnalaš hápmegiela ja ođđa govvafáttáid. Árbevirolaš goavdásiid govvamáilmmis guovddážis lea beaivváš dahje máilbmi oidnojuvvo gerddiid mielde čohkiidan ráhkadussan oktan mávssoleamos ipmilfiguvrraiguin ja elemeanttaiguin.Elle Máreha goavdásat govvidit sámemuitalusaid ja sámiid gaskavuođa sihke fysalaš birrasii ja vuoigŋamáilbmái. Goavdásiin lea seammás sihke servodatlaš ja persovnnalaš sisdoallu.
Elle Máret Helander lea ožžon čájáhusa gárvvisteapmái doarjaga Sámedikki kulturmearreruđain.
Goavdásiid eadni -čájáhus lea oaidnimis Sámemusea Siiddas 11.6. - 10.10.2010. Siida lea rabas geassebaji áigge beaivválaččat diibmu 9 - 20.
Lassedieđut:
Elle Máret Helander, tel. +358 (0)400 296647, elli(at)saamelaisrummut.net ja intendeanta Arja Hartikainen, Sámemusea Siida, tel. +358 (0)40 579 3313, arja.hartikainen(at)samimuseum.fi
turismainfo
