Molsašuvvi čájáhusat
Moanat molsašuvvi čájáhusat leat merkemin jahkodatritmma Siiddas. Sámemusea ovdanbuktá iežas čájáhusain sámekultuvrra, -dáidaga ja -duoji. Luondduguovddáža molsašuvvi čájáhusain davviluonddu máŋggahápmásašvuohta gieđahallo luonddusuodjaleami ja birasbajásgeassima perspektiivvas.
Davvimáilmmi ivnnit, áiggi čuovggat
"Grafihkalaš ja dáiddalaš geahččaladdamiiddis maŋŋá Séverine Cuénod lea maŋimuš čieža jagi ohcalan inspirašuvnna Sámi, ereoamážit Anára ja Čeavetjávrri guovllu duovdagiin ja viggan ná fállat midjiide eará perspektiivva. Geahčemeahttun ivdnevalji ja áibbas erenoamáš čuovgadili siste bohciida jagiáiggid mielde davvimáilmmi čábbodaga harmoniija. Su dávvalat ovdanbuktet hui persovnnalaš višuvnna dán magihkalaš luonddus. Ivnnit ja čuovggat, intimalašvuohta ja mielladilit sparaidit ollu detáljaid geažil ja dolvot min poesiija ja čábbodaga guvlui. Rikkis ja máŋggabealat luondu addá vejolašvuođa beassat sisa su sárgumiidda. Molsašuddi detálljavallji láidesta min iežamet dovdodili guvlui."
Loga lasi...Reijo Raekallio boazogovat
Reijo Raekallio lea sárgon, graveren, málen ja fearran boazogovaid uhccivuođa rájes, dasgo bohccot leat álo aisttan juo jorran das šiljus olbmo julggiin. Govva bohccos lea cieggan nu nannosit su mielabodnái ahte boazogovat riegádit dego iešalddes. Čájáhusduojit leat measta buot viehka varrasat dahjege maŋimuš moatte jagi áiggis.
Loga lasi...Dievaslaš čuovgga maŋis
Sámesogat luondogovvejeaddji Antti Haataja lea geahččan njálaid čalmmis čalbmái rámšos duottarbadjosiin gaskaija gollebottuid áigge, oaidnán fálláid bivdimin skoaddovuonain, vásihan čuotnjágiid áibmadas čakčafárrema duottarmáilmmis, čuoigan láđasmánu čuovggas 40 gráđa skábmabuollašis ja dovdan iežas uhccivuođa guovssahasaid giđđudettiin almmigoavddi mielde allagasas duottarčohkaid bajábealde. Davviluondu eallá hui fámolaččat oanehis geasi, muhto eallin joatkašuvvá maiddái sevdnjes skábman. Čájáhus doalvula geahčči Sámeeatnama vildaealliid guossin duottarbadjosiin gitta geasuheaddji Jiekŋamerrii.
Loga lasi...Paulus Diaconusis Johan Turii
Boares girjjálašvuođa čoakkildeaddji ja Kansalliskirjasto duogášváikkuheaddji Ilkka Paatero buktá geasiáigái Siidii fiinna čoakkáldaga hárvenaš girjjiid. Čájáhusas leat ovdan originálastuhkkan ee. áramus prentejuvvon sámegielat girjjit. Sámegirjjálašvuođa riegádanmuttut guorahallojit ee. nu, ahte čuvvojuvvo Olaus Sirma juoiggosdivttaid johtin riikkaidgaskasaš dutkan- ja čáppagirjjálašvuođa klassihkkáriid dujiin Schefferusis gitta Voltairei.
Loga lasi...“Nu guhkás mun girddán” - Aletta Ranttila 30-jagiávvučájáhus
Merja Aletta Ranttila lea sámi govvadáiddár, grafihkkár ja girjegovvejeaddji. Ranttila gárvvásmuvai Lappi dáiddaskuvllas Durdnosis 1982:s. Su dovdet čeahpes sárgun ja girjegovvejeaddjin. Áibbas iežaslágan vugiin dáiddár beasai oidnosii 1990-logu álggogeahčen, goas Ranttila válddii atnui lino-seahkalasteknihka ja nana vugiin sárgojuvvon birot ja eŋgelat boahtigohte dáiddára govvamáilbmái. Merja Aletta Ranttila lea ožžon dujiidis ovddas ee. Mánáidkultuvrra stáhtabálkkašumi (1993), Urpo ja Maija Lahtinena vuođđudusa dáiddabálkkašumi (1994) ja Sámedikki kulturbálkkašumi (2000).
Loga lasi...Geres - Árbedieđut sámi vuodjinreaiddu duddjomis
Sámeservodagas geresduojárat leat álo leamaš árvvusadnojuvvon meaštárat ja ámmátolbmot. Geresduddjomis dárbbašuvvo máŋggalágan máhttu rivtteslágan muorramateriála válljemis gitta hámi ja čábbodaga áddemii. Sámemusea buvttadan čájáhusas ovdanbuktojit geresduddjoma sierra muttut ja dasa gullevaš bargoneavvut sihke muitaluvvo sierralágan gerestiippain ja gerresa atninvugiin.
Loga lasi...Obbasajohtti
Eallin Lappi mehciin rievddai oalát 1960-logu álggogeahčen, go Davvi-Amerihkás 1959:s márkaniidda boahtán Ski-Doo joavddai maiddái Supmii. Dán mohtorfievrru váikkuhusat ledje máŋggaláganat nu luonddu go olbmoge dáfus. Lappi mehciid iešláhki nuppástuvai, go guhkás doaresbeallaige beassagođii álkit ja johtilit. Nuppe dáfus dát ođđa fievru čuzii gal maiddái meahci ráfái. Stuorámus nuppástus dáhpáhuvai goittotge olbmuid beaivválaš eallimis. Dál áhčči beasai dárbbu mielde eahkedii ruoktot, go ovdal son sáhtii jávkat meahcis vahkuid. Obbasajohtti -čájáhus guorahallá mohtorgielkkástallama 50-jahkásaš historjjá Suomas ja daid nuppástusaid, maid mohtorgielkká boahtin dagahii olbmuid beaivválaš eallimii.
Loga lasi...Lassedieđut ja preassadieđut čájáhusain:
Sámemusea čájáhusat: Intendeanta Arja Jomppanen, Sámemusea, tel. +358 (0)40 579 3313, arja.jomppanen(at)samimuseum.fi
Meahciráđđehusa luondduguovddáža čájáhusat: Spesiálaplánejeaddji Pasi Nivasalo, Luondduguovddáš, tel. +358 (0)205 64 7749, pasi.nivasalo(at)metsa.fi
turismainfo
