Ovdasiidu / Čájáhusat / Molsašuvvi čájáhusat

Molsašuvvi čájáhusat

Moanat molsašuvvi čájáhusat leat merkemin jahkodatritmma Siiddas. Sámemusea ovdanbuktá iežas čájáhusain sámekultuvrra, -dáidaga ja -duoji. Luondduguovddáža molsašuvvi čájáhusain davviluonddu máŋggahápmásašvuohta gieđahallo luonddusuodjaleami ja birasbajásgeassima perspektiivvas.

Sámenissona gahpir

02.01.2018 - 31.12.2018

Sámemusea Siida čájeha jagi 2018 áigge guhtta iešguđetlágan nissona gahpira čoakkáldagastis. Ovdal lei vierrun, ahte nissonat eai johtán ruovttu olggobealde gahperahttá. Jus anus ii lean gahpir, de lávejedje oaivvi gokčat goit liinniin. Erenoamáš mávssolaš oaivvi gokčan lei girkolaš oktavuođain, girkus, čoakkalmasain ja girkomátkkiin. Gahpira nissonat geavahedje árgabeaivvis vel dan maŋŋáge, go ledje muđui geavahišgoahtán oarjemáilmme biktasiid. Ain máŋggat boarráseamos sohkabuolvva nissonat geavahit sámegahpira beaivválaččat.

Loga lasi...

Johan Nuorgam – sámi gaskkusteaddji

27.03.2018 - 28.04.2019

Sámemusea Siidda 20-jagi ávvučájáhus muitala Johan Nuorgam birra. Johan Nuorgam (1910-1978) lei sámi kultuvrra gaskkusteaddji, árraáiggiid kulturofelaš. Son lei Idjajávrris eret ja son dovddai sámi árbevieru ja sámegiela ja máŋggat dutkit geavahedje su diehtogáldun. Son lei 1930-logus ofelažžan Álbmotmusea Seurasaari olgomuseas ja čokkii ieš maid diŋggaid ja dávviriid. Son lei doaimmaheaddji, politihkár ja kulturalmmái, gii 1950-logu loahpas vuođđudii Anára sámemusea.

Loga lasi...

Viidon Sieiddit – Sápmelaš luonddugaskavuođa ođđa skálát

04.10.2018 - 31.03.2019

Čájáhus suokkardallá makkár vejolašvuođat ođđalágan sámi luonddudiđolašvuođas ja -sensitiivavuođas leat. Makkár vuorrováikkuhuslaš ávnnaslaš gaskavuođaid min eallinvuohki doarju, masa eallinvuohki vuođđuduvvá, makkár luondu-kultuvrralaš eallima mii eallit ja earenoamážit, makkár molssaeavttut mis leat? Čájáhusas ášši lahkonit govaid, videoid, jiena ja musihka bokte.

Loga lasi...

Lähellä – So close - Nuuvt alda

17.11.2018 - 28.04.2019

Maŋgâ šiev luándu čuosâttuvah láá áldálub ko mij arvâlep já kuittâg toh sättih leđe mijjân aaibâs tubdâmettumeh sajeh. Tave-Laapi Kamera Seervi luándukovečáitálduvvâst peessâp luándumookán čuosâttuvváid Aanaar já Ucjuv alda - čuosâttuvváid, moh iä kávnoo mađhâšemraavâkirjijn.

Loga lasi...

Eatnama fámolaš jienat

08.01.2019 - 17.03.2019

Čájáhus buktá geahččiid čalmmiid ovdii garraduojár Jouni S. Laiti duddjon árbevirolaš dujiid ja ođđalágan dáiddadujiid.

Loga lasi...

Sámefáhcat

08.01.2019 - 31.12.2019

Sámemusea Siida čájeha jagi 2019 áigge sierra guovlluid sámefáhcaid čoakkáldagastis. Čájáhusa fáhcaid molsut guovtti mánotbaji gaskkaid.

Loga lasi...

Gal mii birget

08.05.2019 - 19.12.2018

Movt dorvvastit sámevuođa váldokultuvrraid deattu vuolde? Mii áitá eamiálbmogiid ealáhusaid, gielaid ja kultuvrraid ceavzima? Govvačájáhusastis sápmelaš Tomi Guttorm suokkardallá sámiid dili dál ja boahttevuođas.

Loga lasi...

Tovláá já tááláá ärbityeji – Dološ ja dálá anáraš árbeduodji

07.06.2019 - 19.12.2018

”Tovláá já tááláá ärbityeji – Dološ ja dálá anáraš árbeduodji” lea vuosttaš museačájáhus máilmmis, mii gieđahallá dušše anáraš duodjeárbbi. Čájáhus buktá ovdan dološ ja dálá dujiid ja duddjonvugiid. Čájáhusa buvttada Sámemusea Siida ja dat lea rabas gehččiide 7.6.2019 rájes.

Loga lasi...

Davviguovllu árga – Davviluonddu eallit árgaeallimis

10.10.2019 - 03.05.2020

Makkár lea olbmo ja ealli gaskavuohta davvi luonddus? Maid oaidnit dahje mii mis báhcá fuomáškeahttá, go geahččat meahci ealliid? Anárlaš dáiddára Sirpa Mänty čájáhusas geahčči fievrriduvvo smiehttat mearkkašumiid olbmo ja meahci ealliid oktasaš- ja bálddalašeallimis, seammasullasašvuođain ja ránnjávuođain.

Loga lasi...

Nuppástuvvi dálvi

17.11.2019 - 26.04.2020

Čájáhus veahkeha geahčči ovttastahttit jo gávdnomis lean dieđu Suoma dálvvis, dan ealliin ja eanadagas dihtui boahttevaččas, ja oaidnit dálkkádaga liegganeamis boahtán nuppástusaid davvi dálvvis.

Loga lasi...

Lassedieđut ja preassadieđut čájáhusain:
Sámemusea čájáhusat: Amanueansa Áile Aikio, tel. 040 756 7637 aile.aikio(at)samimuseum.fi

Meahciráđđehusa luondduguovddáža čájáhusat: Spesiálaplánejeaddji Pasi Nivasalo, Luondduguovddáš, tel. +358 (0)206 39 7749, pasi.nivasalo(at)metsa.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari