Ovdasiidu / Čájáhusat / Molsašuvvi čájáhusat / Okta dávvir, duhát muitalusa - Goikkehat

Okta dávvir, duhát muitalusa - Goikkehat

Ruovttuguovllulihttu (sg. Kotiseutuliitto) lea hástán Suoma museaid ávvojagi 2017 muitalit ovttain dávviriin iehčanas Suoma muitalusa. Jagis 2017 dievvá čuođi jagi das, go Suopma šattai iehčanas ja seamma jagi lágiduvvui maid vuosttas davviriikalaš sámekonferánsa Troandimis. Sámemusea Siida lea válljen ávvojagi dávvirin goikkehiid. Daid birra gávdnojit aŋkke duhát sierra muitalusa.

Goas
09.01.2017
Juohke vahku 31.12.2017 rádjái
Oktavuođaolbmo namma Anni Guttorm
Contact Email
Oktavuođaolbmo telefonnummir +358 400 891 860
lasit dáhpáhusa kaleanddarii vCal
iCal

Vuos lei boazu, buolaš ja de olmmoš, guhte fuobmái. Goikkehat dahje nuvttohat leat sápmelaččaid árbevirolaš dálvebivut, maid leat ainge geavahusas. Dárbu, adnu ja ávdnasat lea hábmen goikkehiid dakkárin go dat leat. Goikkehat duddjojuvvojit bohcco gápmasiin ja dat leat duodji gitta álggus loahparádjái.

Bohccelágan bohccoguolga lea dat, mii dahká gápmagis geahppasa ja lieggasa; davvin árktalaš guovlluin dat vuoitá buot modearna gilvaleddjiidis. Gápmagis leat buot áššit smihttojuvvon dárkilit. Vuođđu gorrojuvvo guovtti bihtás ja oasit stellejuvvojit nu, ahte guolga lea goappat guvlui, ná gáma lea coakcil. Maiddái gavvaris njunis lea adnu: dainna gápmagat leat giddejuvvon sabehiid bessodagaide.

Goikkehiid siste eai ovdal geavahan suohkuid, muhto gápmagiid lávejedje suidnet. Goike suoidni doallá julggiid liekkasin ja goikkisin gápmagiid siste. Goikkehiid sisa biddjojuvvon suinniid gohčodit gámasuoidnin, dat lea lukti mii šaddá johgáttiin. Gámasuinniid čuhppet borgemánus ja dibmema ja goikadeami maŋŋá dain botnjet fierran seailluheami váras.

Geavahusas leat vuotta- ja guretgápmagat. Dain maid oaidná erohusaid guovlluid gaskkas.

Sámemusea Siida čájeha/ buktá ovdan Suoma ja Sámi 100 jagi gudnin njeallje sierra bára goikkehiid. Goikkehiid muitalusat leat ovdan Sámemusea- ja luondduguovddáš Siidda ja gápmagiid molsumis muitalit Siidda Facebook-siidduin.

Subscription URL: http://www.siida.fi/sisdoallu/cajahusat/molsasuvvi-cajahusat-2010/okta-dvvir-duht-muitalusa-goikkehat/icalendar_export_event
Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari