Ovdasiidu / Čájáhusat / Molsašuvvi čájáhusat

Molsašuvvi čájáhusat

Moanat molsašuvvi čájáhusat leat merkemin jahkodatritmma Siiddas. Sámemusea ovdanbuktá iežas čájáhusain sámekultuvrra, -dáidaga ja -duoji. Luondduguovddáža molsašuvvi čájáhusain davviluonddu máŋggahápmásašvuohta gieđahallo luonddusuodjaleami ja birasbajásgeassima perspektiivvas.

Sámenissona gahpir

02.01.2018 - 23.07.2018

Sámemusea Siida čájeha jagi 2018 áigge guhtta iešguđetlágan nissona gahpira čoakkáldagastis. Ovdal lei vierrun, ahte nissonat eai johtán ruovttu olggobealde gahperahttá. Jus anus ii lean gahpir, de lávejedje oaivvi gokčat goit liinniin. Erenoamáš mávssolaš oaivvi gokčan lei girkolaš oktavuođain, girkus, čoakkalmasain ja girkomátkkiin. Gahpira nissonat geavahedje árgabeaivvis vel dan maŋŋáge, go ledje muđui geavahišgoahtán oarjemáilmme biktasiid. Ain máŋggat boarráseamos sohkabuolvva nissonat geavahit sámegahpira beaivválaččat.

Loga lasi...

Johan Nuorgam – sámi gaskkusteaddji

27.03.2018 - 23.07.2018

Sámemusea Siidda 20-jagi ávvučájáhus muitala Johan Nuorgam birra. Johan Nuorgam (1910-1978) lei sámi kultuvrra gaskkusteaddji, árraáiggiid kulturofelaš. Son lei Idjajávrris eret ja son dovddai sámi árbevieru ja sámegiela ja máŋggat dutkit geavahedje su diehtogáldun. Son lei 1930-logus ofelažžan Álbmotmusea Seurasaari olgomuseas ja čokkii ieš maid diŋggaid ja dávviriid. Son lei doaimmaheaddji, politihkár ja kulturalmmái, gii 1950-logu loahpas vuođđudii Anára sámemusea.

Loga lasi...

Siida 20 jagi govvaráidu

27.03.2018 - 23.07.2018

Sámemusea ja Davvi-Lappi luondduguovddáža 20-jagi doaimma ávvudit oktasaš čájáhusain, mas leat govat ja deavsttat buoremus dáhpáhusain ja muosáhusain Siida-dálu oktasaš mátkki alde.

Loga lasi...

Multiformes - Muitalusaid dáiddaduojit Lappis

04.05.2018 - 23.07.2018

Máŋggahápmásaš luondu lea doaibmi ja čavddes ollisvuohta, mas olmmoš lea binnabánna oasáš. Dálá olmmoš ii astta orustit, smiehttat ja jaskkodit. Dát dáiddaduojit háliidit muittuhit min luondogaskavuođa mearkkašumis ja das, mo luondu sáhttá oahpahit min.

Loga lasi...

11 Sámi áigegova

09.05.2018 - 23.07.2018

11 Sámi áigegova -čájáhus muitala 27 sápmelaččas ja sin birrasiid dálá dilis sin iežaset čalmmiiguin. Čájáhus muitala govaid, videoid ja olbmuid iežaset muitalusaid bokte sámekultuvrra girjáivuođas, muhto maiddái olbmuid vásáhusaid seammaláganvuođain.

Loga lasi...

Viidon Sieiddit – sámi luondduoktavuođa ođđa viidodagat

04.10.2018 - 23.07.2018

Čájáhus suokkardallá makkár vejolašvuođat ođđalágan sámi luonddudiđolašvuođas ja -sensitiivavuođas leat. Makkár vuorrováikkuhuslaš ávnnaslaš gaskavuođaid min eallinvuohki doarju, masa eallinvuohki vuođđuduvvá, makkár luondu-kultuvrralaš eallima mii eallit ja earenoamážit, makkár molssaeavttut mis leat? Čájáhusas ášši lahkonit govaid, videoid, jiena ja musihka bokte.

Loga lasi...

Lassedieđut ja preassadieđut čájáhusain:
Sámemusea čájáhusat: Museahoavda Sari Valkonen, tel. +358 (0)40 767 1052, sari.valkonen(a)samimuseum.fi

Meahciráđđehusa luondduguovddáža čájáhusat: Spesiálaplánejeaddji Pasi Nivasalo, Luondduguovddáš, tel. +358 (0)206 39 7749, pasi.nivasalo(at)metsa.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari