Ovdasiidu / Čoahkkimat / Várreneavttut

Várreneavttut

Almmolaš várren-, soahpan- ja eretgeassineavttut restoráŋŋabálvalusaide ja sierra sadjevárremiidda Siiddas ja Restoráŋŋa Sarridis

Sihkkarastin dihte čoahkkin- ja restoráŋŋaordnestallamiid lihkostuvvama buoremus lági mielde mii gáibidat ahte čuovvovaš eavttut ja ávžžuhusat čuvvojuvvojit, jos ii leat sierra nuppeláhkai sohppojuvvon.

SIERRA SADJEVÁRREMAT

Várremat
Várret sáhttá njálmmálaččat dahje čálalaččat. Njálmmálaš čoahkkanansadjevárren nannejuvvo álo diŋgojeaddjái čálalaččat. Várrejeaddji galgá guitet nannema guovtte jándora sisa ja dan maŋŋá várren boahtá čadni vuogi mielde fápmui.

Čoahkkanansaji láigoheapmái gullet
Dábálaš čuovggat, liggen, normála šleađgagolahus ja čoahkkanansaji viessogálvvuid lágideapmi sohppojuvvon vuogi mielde sihke oppalaščorgen. Dábálaš vuogis spiehkasteaddji čiŋaheamis, viessogálvvuin, ráhkadusain ja čorgemis berrojuvvo sierramáksu. Čoahkkanansaji láigui sáhttet gullat lasserusttegat ja -bálvalusat dalle, go fálaldagas lea nu máinnašuvvon.

Máksoeavttut
Jos máksoeavttuid birra ii leat ovddalgihtii čálalaččat nuppeláhkai sohppojuvvon, de diŋgojeaddji máksá reaidaruđain, báŋko- dahje kredihttagoarttain báikki alde. Mávssuid bearramis maŋálgihtii sohppojuvvo álo sierra.

Eretgeassimat
Jos diŋgojeaddji eretgeassá iežas čoahkkanansadje- dahje čoahkkinpakeahttavárrema, de berrojuvvojit eretgeassingolut nannejuvvon hattiid mielde oppa várrema áiggis čuovvovaččat:
-          eretgeassin 7 jnd ovdal dilálašvuođa álgima nuvttá
-          eretgeassin 6-2 jnd ovdal dilálašvuođa álgima 20 %
-          eretgeassin jándor ovdal dilálašvuođa álgima 50 %
-          eretgeasekeahttá guođđin 50 %

RESTORÁŊŊABÁLVALUSAT

Restoráŋŋabálvalusat – guossohandiŋgomat:
Buot dilálašvuhtii guoskevaš guossohandiŋgomat galget dahkkojuvvot maŋimustá čieža jándora ovdal dilálašvuođa álgima. Muđui eat sáhte sihkkarastit guossoheami ollašuvvama.

Restoráŋŋabálvalusat – Olmmošmearri
Restoráŋŋabálvalusaid diŋgon lea fámus diŋgodettiin almmuhuvvon olmmošmeriin. Diŋgojeaddji sáhttá dárkkálmuhttit dan golbma jándora ovdal dilálašvuođa álgima. Uhcimusmáksu berrojuvvo dáid eavttuid vuođul nannejuvvon olmmošmeari mielde. Jos loahpalaš oasseváldimeari geahppáneamis almmuhuvvo oanehet áiggi go golbma jándora sisa dilálašvuođa álgimis dahje ii almmuhuvvo ollege, de restoráŋŋas lea vuoigatvuohta bearrat mávssu guossoheapmái sohppojuvvon hatti mielde.

EARÁ EAVTTUT

Sierraordnestallamat

Jos Siida dahká diŋgojeaddji sávaldagaid mielde sierraordnestallamiid, dego ovdamearkka dihte lágida viessogálvvuid, ráhkadusaid dahje prográmma, de diŋgojeaddji čatnasa máksit das šaddan goluid. Normála rabasáiggiid olggobeallai deaivi várremiid ovddas berrojuvvo gozihanmáksu 35€/álgi diibmu (1.1.2015 rájis 50€/álgi diibmu árgga 100€/álgi diibmu sotnabeaivvi ja bassebeaivvi)

Diŋgojeaddji vástu
Diŋgojeaddji lea geatnegahtton suddjet vahágiin iežas láigohan lanjaid ja viessogálvvuid. Diŋgojeaddji vástida buot vahágiin, maid áššehasa rusttegat, bargoveahka, loaiddasteaddjit dahje geahččit ja guldaleaddjit dagahit giddodahkii ja laigolanjaid luovos opmodahkii.  Diŋgojeaddji vástida dain rusttegiin dahje luovos opmodagas, maid ieš lea buktán čoahkkinbáikái. Diŋgojeaddji čatnasa čuovvut Siidda bargoveaga rávvagiid museavistti sihke viessogálvvuid ja rusttegiid geavaheapmái guoskevaš áššiin. Diŋgojeaddji galgá nammadit iežas dilálašvuođa várás vástoolbmo.

Gaskaboddosaš ráhkadusat
Diŋgojeaddji ii oaččo rievdadišgoahtit iežas láigohan lanjaid, cegget dahje giddet gaskaboddosaš ráhkadusaid, oahpistanrusttegiid dahje eará sullasaš diŋggaid, jos ii leat soahpan sierra dán áššis Siiddain.

Soahpamuša sirdin

Áššehas ii oaččo sirdit soahpamuša dahje luohpadit iežas láigohan lanjaid goalmmát oassebeallái, jos Siida ii leat addán dasa lobi. Vaikko áššehas livččii ožžonge dasa lobi, de dat vástida ainge láigosoahpamuša eavttuid dievvamis Siidii.

Nuppástusat

Soahpamušaide guoskevaš nuppástusat galget álo dahkkojuvvot čálalaččat nu, ahte goabbáge oassebealli vuolláičállá dahkkojuvvon nuppástusaid.

Riiddut
Soahpamuššii guoskevaš sierramielalašvuođat, maid birra ii sáhte soahpat ráđđádallamiiguin, čovdojuvvojit Lappi gearretrievttis.

”Siida sihkkarasttii ahte servoša lahtut besse riidduid haga návddašit iežaset vuoigatvuođain, dego maiddái das, ahte lahtut oskkáldasat válde vuhtii eará lahtuid vuoigatvuođaid ja oppa siidaservoša mearrádusaid ja beroštumiid. Sihke siidda ja ovttaskas lahtuid vuoigatvuođat ja fuolat váldojuvvojedje vuhtii.”

Pennanen & Näkkäläjärvi: Siiddastallan, Siidoista kyliin, 2000
Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari