Doaimmahaneavttut

Áššehasas lea govvii / govaide hávilgeavahanvuoigatvuohta. Vuoigatvuođa ii oaččo vuovdit iige sirdit ovddosguvlui.Sámemusea Siidda, čoakkáldaga ja čuovgagovvejeaddji namma galgá álo máinnašuvvot gova oktavuođas, jos ii nuppeláhkai sohppojuvvo. Áššehas galgá váldit vuhtii dahkkivuoigatvuođa- ja intimitehtasuoji gova geavahettiin.

Govaid ii oaččo almmá sierra lobi haga ođđasitduddjot dahje rievdadaddat. Rievdadaddama birra galgá máinnašit gova almmustuhttima oktavuođas. Govaid kvalitehtii guoskevaš doaimmat, dego gova čielggasmahttin, ruskkaid jávkadeapmi dahje gova ráddjen eai adnojuvvo govaid gildojuvvon ođđasitduddjomin dahje rievdadaddamin.

Buot govat galget máhcahuvvot dakka maŋŋá geavaheami. Maiddái elektrovnnalaš vurkenneavvut (cd-skearrut jed.) galget máhcahuvvot. Áššehas galgá almmuhit govaid máhcaheami oktavuođas guđege gova duođalaš geavaheami almmustuhttinmávssuid bearrama várás. Seamma gova ođđasitgeavaheapmi máksá -50% hattis. Máhcaheami mieđuštus oktan oktavuođadieđuiguin sihkkarastá dan, ahte máhcaheapmi šaddá registrejuvvot.

Govat gehččojuvvojit doaimmahuvvon dalle, go dat leat doaimmahuvvon postii, luohpaduvvon njuolgga áššehassii dahje muđui doaimmahuvvon áššehassii. Billašuvvan dahje láhppon govaid ovddas berrojuvvojit gova gárvvistangolut (gevvosiid dahkan, dupliseren jed.), láhppon cd-skearru ded. haddi + 25 euro. Originálamateriálat eai luikojuvvo musea olggobeallai.

Dahkki lea geatnegahtton luohpadit nuvttá Sámemusea girjerádjui dahje arkiivii stuhka prentosis dahje vurkehusas, man dahkamis leat adnojuvvon ávkin musea čoakkáldagat.

Sámemusea bearrá govaid geavaheamis mávssuid gustojeaddji haddedási mielde. Páhkken- ja postengolut áššehassii leat mielde hattis. Jos kopiija lea ferten dahkat eará sajis, de sámemuseai čuohcán sáddengolut ja poastamávssut berrojuvvojit dasto áššehasas. Máksineaktu lea 14 beaivvi netto. Maŋŋonanreantu lea 16 %. Musea ii beara árvolassevearu (ALV) iige máksobearranlasi. Barggu diŋgojeaddjis sáhttá berrojuvvot ovdamáksu, ovdalgo diŋgon nannejuvvo dahje doaimmahuvvo. Olgoriikkaide oaivvilduvvon diŋgomiin berrojuvvo máksu álo ovddalgihtii.

1-20 gova sturrosaš diŋgomiid doaimmahanáigi 14 lea bargobeaivvi ja badjel 20 gova diŋgomat doaimmahuvvojit soahpamuša mielde. Jos háliida ahte govat galget gergejuvvot oanehet áiggis, de berrojuvvo 50 %:a hohpolašvuođalassi. Ovdalis máinnašuvvon doaimmahandieđut gusket vuosttažettiin elektrovnnalaš govaide. Gevvosiid dahkan ja dupliseremat, maid dihte materiála galgá sáddejuvvot eará sadjái, sáhttet gáibidit guhkit doaimmahanáiggi.

Sámemusea čoakkáldagaid dávvirat eai dábálaččat luikojuvvo museavistti olggobeallai. Dávvira govvemis museas berrojuvvo 50 euro / dávvir. Jos čoakkáldatdávvir sirdojuvvo museavistti olggobeallai omd. studioi govvenláhkai dahje čájáhussii, de dan várás sáhttá gáibiduvvot mieđušteaddji, áššáigullevaš oadju guoskevaš áigái ja dasa lassin berrojuvvo 50 euro luoikanmáksu / dávvir.

Lassedieđut:
Amanuensa Áile Aikio, tel. 0400 891 860, aile.aikio(at)samimuseum.fi