Inari – Aanaar Mátki 2011 -ossodat geasuhii meassogallestalliid

Inari – Aanaar -ossodagas ledje váldočájáhusbiddjin Siida – Sámemusea ja Luondduguovddáš, Inari Event Lapland, Hotelli Korpikartano, Erähotelli Nellim, Lake and Snow Inari, Lomakylä Inari, Anára boazofárbma, Nuoriso- ja luontomatkailukeskus Vasatokka sekä Sámekulturguovddáš Sajos. Ossodaga temán lei Davvi-Lappi luondu ja sámekultuvra. Kultuvra buktojuvvui ovdan earret eará duodječájáhusaiguin ja juoiganloaiddastemiiguin. Inarin Luonnonporo fas guossohii gallestalliide boazobuvttaherskuidis. Anára máŋggabealat luondu ovdanbuktojuvvui fiinna govaiguin.

Ossodagas lei meassovuorbádeapmi, man váldovuoitun lei guovtte jándora idjadan- ja prográmmapakeahtta Anárii. Vuoitin vuorbáduvvui Pirjo Airo Lahtis.  Dasa lassin vuorbáduvvojedje eará fitnodagaid fállan bálvalusat ja buktagat. Vuoitiide almmuhuvvo vuoittus persovnnalaččat.

Mátkemeassut lea Davviriikkaid stuorámus astoáigemátkeealáhusa meassodáhpáhus. Mátki 2011 čohkkii Helssega meassoguovddážii 20.–23.1. 83 279 gallestalli. Čájáhusbiddjit ledje lagabui 1200 badjel 70 riikkas. Inari – Aanaar -ossodaga fitnodatolbmot giitet ossodaga gallestalliid ja ovttasbargoguimmiid.