Miessemánu vuoládusat Siida Shopissa
Bearjadat 06. Miessemánnuta 2011, 11.55Siida Shopis leat dál miessemánu vuoládusat. Measta buot Siida Shop -buvdda buktagiin oažžu ovddit jagiid láhkai Siidda jahkegoarttain 10 % vuoládusa oppa miessemánu áigge. Dasa lassin girjjiin oažžu mis miessemánus jahkegoarttain 20 % vuoládusa.
Siidda musea- ja luondobuvda Siida Shopis gávdnojit sámekultuvrii ja davvilundui guoskevaš giehtaduodjebuktagat ja girjjálašvuohta sihke mátkemuittut ja poastagoarttat. Min buktagiidda gullet earret eará sámegirjjálašvuohta sihke sámekultuvrras ja luonddus muitaleaddji girjjálašvuohta, sámeduodjái ja sámemusihkkii guoskevaš buktagat, skeaŋkagálvvut ja vánddardandárbašat.
Musea čuovvu buvttaválljemiinnis etihkalaš gávppi ja turismma prinsihpaid. Museabuvddas vuovdit oaivvilduvvon buktagat dorjot sámekultuvrra ja addet dieđuid sámiid birra. Luondobuvda čuovvu Meahciráđđehusa buvttaválljenprinsihpaid, nu ahte buktagat leat alladássásaččat sihke etihkalaččat ja ekologalaččat bistevaš vuogi mielde buvttaduvvon.
Siidda jahkegoarta máksá 20 €. Dat lea fámus oastinbeaivvi rájes jagi ovddosguvlui ja dainna beassá maiddái Roavvenjárgga Arktikumii ja Oulu tietomaai.
Siida ja Siida Shop leat miessemánus rabas maŋŋebárggas sotnabeaivái diibmu 10-17. Lassedieđuid oažžu Siidda áššehasbálvalusas 0400 898 212, siida@samimuseum.fi
Siida – Sámemusea ja luondduguovddáš, Inarintie 46, FI-99870 Anár, tel. +358 (0)400 898 212, fax +358 (0)205 64 77 50, www.siida.fi, siida@samimuseum.fi, siida@metsa.fi
Siiddas rabas uvssaid beaivi miessemánus
Sámemusea álggaha čájáhusdoaimma Ohcejogas
turismainfo
