Nuortalaččaid Árbevierrodálu rabasáigi guhkiduvvon
Vuossárga 14. Njukčamánnuta 2011, 13.00Čeavetjávrris leahkki Nuortaččaid Árbevierrodálu rabasáigi lea guhkiduvvon. Nuortalaččaid árbevierrodállu lea rabas geasi áigge. Árbevierrodállu rahppojuvvo gallestalliide 1.6. ja dat lea rabas juohke beaivve 25.9. rádjai.
Čeavetjávrri atnet Suoma nuortalaččaid guovddášbáikin. Čeavetjávrris lea maiddái Sámemusea bajásdoallan Nuortalaččaid árbevierrodállu, man čájáhus muitala nuortalaččaid historjjás ja kultuvrras. Árbevierrodálu vuođđočájáhus lea biddjojuvvon dálu stohpui ja dan olgovistái guovtti čájáhuslatnjii. Árbevierrodálu bálddas lea dasa lassin Suenjela áigásaš geassebáikki ovdanbukti olgomusea. Árbevierrodálus lea maiddái smávva museabuvda, mas vuvdet báikkálaš giehtadujiid ja girjjálašvuođa.
Nuortalaččaid árbevierrodállu lea rabas geasi áigge 1.6.–25.9. beaivválaččat diibmu 9.00–17.00. Árbevierrodállui beassá nuvttá. Joavkkuid boahtimis gánnáha almmuhit ovddalgihtii. Árbevierrodálu rabasáigge sáhttá almmuhit čujuhussii kolttaárbevierrodállu@samimuseum.fi dahje telefonnummirii 0400 373015. Dálvvi áigge lassedieđuid fidne Siidda áššehasbálvalusas siida@samimuseum.fi, 0400 898 212.
Siida – Sámemusea ja luondduguovddáš, Inarintie 46, FI-99870 Anár, tel. +358 (0)400 898 212, fax +358 (0)205 64 77 50, www.siida.fi, siida@samimuseum.fi, siida@metsa.fi
Siiddas rabas uvssaid beaivi miessemánus
Sámemusea álggaha čájáhusdoaimma Ohcejogas
turismainfo
