Siida sirdášuvvá fargga dálvebadjái

Sámemusea ja luondduguovddáš lea dál rabas beaivválaččat diibmu 9-20. Dálvebaji rabasáiggiide Siida sirdašuvvá vuossárgga 20.9. Dalle maiddái olgomusea giddejuvvo. Dálvebaji áigge Siida lea rabas maŋŋebárggas sotnabeaivái diibmu 10-17. Restoráŋŋa Sarrit bálvala Siidda rabasáiggiid áigge ja diŋgoma mielde. Juovlaruohta ja juovlabeaivve Siida lea gitta. Dálvebaji rabasáiggit leat fámus 31.5. rádjai. Dasa lassin Nuortalaččaid árbevierrodállu Čeavetjávrris giddejuvvo 15.9.

Siidda guovssahasčájehanáiggit rivdet maiddái, go álgá dálvebadji. 21.9. rájes Siidda sisabeassanbilehttii gullevaš guovssahasčájeheamit dáhpáhuvvet rabasbeivviid áigge diibmu 12 ja 15. Guovssahasčájeheami ja Anárjávri-čájeheami sáhttá diŋgot maiddái eará áiggiid.

Siidda gaskavahkkosáhtosteamit Avvilii ja Suoločielgái joatkašuvvat boahttevaš baji áigge. Siiddas lágiduvvo juohke gaskavahku máhccansáhttu Avvilii ja Suoločielgái. Áššehasat sáhttet boahtit Siidii normála ruvttojohtalusa bussiiguin ja máhccat diŋgonbusse fárus. Máhccansáhtu fárrui galgá almmuhit iežas maŋŋebárgga dbm 16 rádjai hoteallaid vuostáiváldimii, Suoločielggi guovddášvárrehahkii, Kiehinenii dahje Siidii.

Lassedieđut:
Siidda áššehasbálvalus, tel. +358 (0)400 898 212, fax +358 (0)205 64 7750, siida(at)samimuseum.fi