Siidda jahkegoartaovddut
Duorastat 21. Golggotmánnuta 2010, 12.14Jagiin oaivvildit dábálaččat kaleanddarjagi, mii dálá min gregoriánalaš kaleandaris bistá 365 jándora. Dat juohkása 12 mánotbadjái. Siida lasiha jahkái guokte mánotbaji! Go oasttát dál Siidda jahkegoartta, de fidnet guokte nuvttá mánotbaji dasa lassin.
Siidda jahkegoarta lea dábálaččat fámus ovtta jagi oastinbeaivvi rájes. Dál fállat dutnje vel dasa lassin guokte mánotbaji, go oasttát goartta jagi 2010 bealde. Goartta gánnáha oastit, jos gallestalat Siidda guktii dahje dávjjit jagi áigge. Dasa lassin Siidda jahkegoarttain beasat Roavvenjárgga Arktikumii ja Oulu Tietomaai. Jahkegoarttain beasat maiddái oahpásmuvvat Skierrái (Duottar-Sámi luondduguovddáš ja Sámemusea) Eanodaga Heahtás. Siidda jahkegoarttain oažžu earret eará miessemánus vuoládusaid measta buot buktagiin, mat gávdnojit SiidaShopis. Jahkegoarta lea maiddái buorre skeaŋka.
Jahkegoarttain sáhtát gallestallat min čájáhusaid vaikkoba juohke beaivve, dalle go Siida lea rabas. Ná beasat oahpásmuvvat vuđolaččat Siidda váldočájáhusaide ja dieđusge miellagiddevaš molsašuvvi čájáhusaide. Molsašuvvi čájáhusat leat jagi áigge moanat. Sámemusea ovdanbuktá iežas čájáhusain sámi kultuvrra, dáidaga ja duoji. Luondduguovddáža molsašuvvi čájáhusain davviluonddu máŋggahápmásašvuohta gieđahallo luonddusuodjaleami ja birasbajásgeassima perspektiivvas. Miellagiddevaš ođđa áššiide beassá oahpásmuvvat nappo birra jagi!
Lassedieđut:
Siidda áššehasbálvalus, tel. +358 (0)400 898 212, fax +358 (0)205 64 7750, siida(at)samimuseum.fi
Siida – Sámemusea ja luondduguovddáš, Inarintie 46, FI-99870 Anár, tel. +358 (0)400 898 212, fax +358 (0)205 64 77 50, www.siida.fi, siida@samimuseum.fi, siida@metsa.fi
Siiddas rabas uvssaid beaivi miessemánus
Sámemusea álggaha čájáhusdoaimma Ohcejogas
turismainfo
