Siidda jahkegoartta spesiálafálaldat ja Siida Shopa juovlakaleanddar
Vuossárga 31. Golggotmánnuta 2011, 12.14Siida lasihii ohpit jahkái guokte mánotbaji! Go oasttát Siidda jahkegoartta dán jagi bealde, de oaččut guokte mánotbaji nuvttá. Dasa lassin jahkegoartta oamasteaddjit sáhttet dán jage háhkat juovlaskeaŋkkaid hálbbibui go earát, dasgo Siida lansere Siida Shop -juovlakaleandara.
Siidda jahkegoarta lea dábálaččat fámus 12 mánotbaji oastinbeaivvi rájes. Dál mii fállat dutnje vel guokte mánotbaji nuvttá, go oasttát goartta jagi 2011 bealde. Siidda čájáhusaid lassin beasat goarttain oahpásmuvvat Roavvenjárgga Arktikumii sihke Oulu Tietomaai. Fálaldat lea fámus 1.11. – 31.12.2011.
Siiddas leat guovtti vuođđočájáhusa lassin jagi áigge moanat miellagiddevaš molsašuvvi čájáhusat. Nappo birra jagi lea valjis oaidninláhkai! Jahkegoarttain sáhtát guovlladit čájáhusain vaikko juohke beaivve, go Siida lea rabas. Ná sáhtát oahpásmuvvat vuđoleappot sámi kultuvrii, dáidagii, dujiide sihke Davvi-Lappi máŋggahápmásaš lundui. Dasa lassin goarttain oaččut earret eará miessemánus ja juovlamánus vuoládusaid measta buot Siida Shopa buktagiin. Jahkegoarta lea maiddái buorre skeaŋka kultuvrra ja luonddu ustibiidda.
Ođđa fálaldahkan jahkegoartta oamasteaddjiide lanserejuvvo juovlamánu 1. beaivve Siida Shop -juovlakaleanddar. Juovlamánu 23. beaivvi rádjai, maŋŋebárggas sotnabeaivái, Siida Shopas lea fálus beaivvi buvtta daidda, geain lea jahkegoarta. Juovlakaleanddar ”leahkastuvvo” juohke iđit Facebookas ja Siidda neahttasiidduin. Čuovo nappo almmuhemiid!
Lassedieđuid jahkegoarttas oaččut Siidda áššehasbálvalusas.
Siida – Sámemusea ja luondduguovddáš, Inarintie 46, FI-99870 Anár, tel. +358 (0)400 898 212, fax +358 (0)205 64 77 50, www.siida.fi, siida@samimuseum.fi, siida@metsa.fi
Siiddas rabas uvssaid beaivi miessemánus
Sámemusea álggaha čájáhusdoaimma Ohcejogas
turismainfo
