SIIDDA WWW-SIIDDUT OĐASMUVVE
Duorastat 15. Suoidnemánnuta 2010, 09.00Sámemusea-luondduguovddáš Siidda www-siidduid sisdoallu ja gráfalaš bajiloaidnu leat ođasmuvvan. Siidduid geavahanlaktaođastusa ulbmilin lea leamaš ovdanbuktit ainge čielgaseappot bivnnuhis gallestallančuozáhaga bálvalusaid ja sisdoalu áššehasaid dárbbuid mielde. Ođasmahtton visuála bajiloainnus ovdanbuktojuvvo Siida ”lássaráigin sámekultuvrii ja davvilundui”.
Siidda ođasmahtton neahttasiidduid teaksta- ja govvadoaimmahusas vástida Siidda doaibmiid, Sámemusea ja Meahciráđđehusa luondduguovddáža, oktasaš www-siidojoavku. Siidduid vuođđosisdoallun leat Siidda guovddáš bálvalanbuktagat: vuođđo- ja molsašuvvi čájáhusat, almmolaš dáhpáhusat, musea- ja luondogávpi, restoráŋŋa- ja čoahkkinbálvalusat, Meahciráđđehusa luonddubálvalusat, sihke museačoakkáldagaide ja daidda beassamii guoskevaš bálvalusat.
Siidda www-siidduid ”8 jagiáiggi kaleandara” bokte gávdnojit Siidda áigeguovdilis ja boahttevaš čájáhusat ja dáhpáhusat. Fargga dáin siidduin lea maiddái vejolaš diŋgot 8 geardde jagis almmustuvvi Siidda Ođasreivve. Siidda www-siiddut laktásit maiddái ainge buorebut go dássážii sosiálalaš mediaide. Siidda Facebook-siiddut leat šaddan issoras bivnnuhin: muhtun mánotbajis Siida lea ožžon juo čuđiid ovddeš ja ođđa ustibiid!
Siidda ođasmahtton www-geavahanlavtta visuála bajiloainnu lea ollašuhttán roavvenjárgalaš Mainostoimisto Hyvä Ajatus Oy. Siidduid gráfalaš plánejeaddjin lea doaibman Ohcejogas vuolgán tuotanto-AD Pia Aarnio. Siidduid teknihkalaš doaibmivuođas lea vástidan mFabrik. Almmustuhttinvuolážin geavahuvvo rabas gáldokoda Plone-sisdoallohálddašanvuogádat.
Siidda ođasmahtton www-siiddut gávdnojit oahpes čujuhusas www.siida.fi . Siidduid almmustuhttingiellan leat suoma-, davvisáme- ja eaŋgalsgiella. Teakstajorgalusain vástideaba Jovnna-Ánde Vest (davvisámegiella) ja Kaija Anttonen (eaŋgalsgiella).
Lassedieđut:
Intendeanta Arja Hartikainen, Sámemusea Siida, tel. +358 (0)40 579 3313, arja.hartikainen(at)samimuseum.fi
Siida – Sámemusea ja luondduguovddáš, Inarintie 46, FI-99870 Anár, tel. +358 (0)400 898 212, fax +358 (0)205 64 77 50, www.siida.fi, siida@samimuseum.fi, siida@metsa.fi
Siiddas rabas uvssaid beaivi miessemánus
Sámemusea álggaha čájáhusdoaimma Ohcejogas
turismainfo
