Ovdasiidu / Luonddubálvalusat

Meahciráđđehus oahpista ja movttiidahttá luondovásáhusaide

Davvi-Lappi áibmadas duoddarat ja várit, dulvatkeahtes jogat ja deaddju jávrrit geasuhit olbmuid virkkosmuvvat lundui. Meahciráđđehusa áššehasbálvalanbáikkis Siiddas lea hui vuogas vuolgit lundui oahpásmuvvat, guolástit ja ainge guhkit vánddardeapmái. Mis oaččut rávvagiid mátkkiid plánemis, guigosiid buriin guollebáikkiin ja dárbbašlaš lobiid.

Luondduguovddáža áššehasbálvalanbáikki vánddardanrávvenbálvalus gokčá oppa davimus Lappi. Mii válljet áššedovdamušain guhtiige heivvolaš čuozáhagaid ja johtolagaid ja oahpistat, mo luonddus galgá johtalit. Mis leat áigeguovdileamos ja dárkileamos dieđut guovllu eanadatdilálašvuođain, johtolagaid váttisvuođadásiin sihke dolastallanbáikkiin ja ávdinstobuin. Mis leat valjis olgolihkadan-, eanadat- ja topográfakárttat Davvi-Lappis ja Norgga davviosiin. Go don gulaskuttat rávvagiid vánddardeami várás, de seammás sáhtát guođđit almmuhusa iežat meahccái vuolgimis.

Anárjávri, Juvdujohka, Njávdánjohka ja moanat duottarjávrrit geasuhit erenoamážit guolásteaddjiid. Jos áigu beassat návddašit dáin fiinna guollečáziin, de dárbbašlaš lobiid sáhttá háhkat min áššehasbálvalanbáikkis. Mis sáhttá háhkat maiddái meahccebivdo- ja mohtorgielkálobiid sihke várret Meahciráđđehusa láigogámppáid ja viežžat mis gámppáid čoavdagiid.

Meahciráđđehusa áššehasbálvalanbáikkit Davvi-Lappis leat maiddái Avvilis sihke geasiáigge Ohcejoga luonddustobus.

 

Meahciráđđehusa áššehasbálvalusa oktavuođadieđut:
Tel: +358 (0)206 39 7740
Šleađgapoasta: siida(at)metsa.fi
Lundui.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari