Ovdasiidu / Luondduguovddáš

”Lássaráigi Davvi-Lappi lundui”

Meahciráđđehusa luondduguovddážiin fidne dieđuid luonddus ja beassá vásihit máŋggalágan dáhpáhusaid. Siida lea Suoma 18 luondduguovddážis davimus ja stuorámus. Luondduguovddáš Siida lea davviluonddu váibmosis, Suoma stuorámus suodjalanguovlluid guovdu. Anára vánddardanguovlu birastahttá luondduguovddáža. Luondduguovddáš Siida ovdanbuktá Davvi-Lappi luonddu ja movttiidahttá olbmuid johtalit ja lotkkodit luonddus.

Luondduguovddáš Siiddas diimmu vuodjinmátkki duohken leat Suoma čábbáseamos vánddardanguovlluide gullevaš Leammi álbmotmeahcci ja Geavu luonddumeahcci sihke Bátneduoddara, Váhčira, Muotkeduoddara, Gálddoaivvi ja Báišduoddara meahcceguovllut. Boršu Juvdujohka luoitá Siidda lahkosiin meahccás Anárjávrái. Anárjávri geasuha sakka fanasvánddardeaddjiid ja guolásteaddjiid. Luondduguovddáža áššehasbálvalanbáikkis fidne dieđuid dáid guovlluid vánddardanbálvalusain, vánddardanrávvagiid ja dárbbašlaš lobiid.

Siidda váldočájáhusa luondoossodagas muitalit eallima vuogáiduvvamis davviguovlluid goavis dilálašvuođaide. Čájáhus muitala miellagiddevaš vuogi mielde das, mo ealli- ja šaddošlájat galget máhttit atnit ávkin dáid erenoamáš dilálašvuođaid ja ovddalgihtii ráhkkanit jagiáiggiid molsašuvvamii.

Luondduguovddáš Siida lágida jahkásaččat moanaid davviluonddu mihtilmasvuođaide, luonddusuodjaleapmái, birasbajásgeassimii ja luonddugovvemii guoskevaš čájáhusaid ja dáhpáhusaid. Oahpistuvvon mátkkiid oktavuođas beassá oahpásmuvvat lahkosiid luonddu máŋggahápmásašvuhtii ja kulturhistorjái.

www.lundui.fi
www.metsa.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari