Museapedagogalaš buktagat

Sámekultuvra geasuha sihke dálá sámenuoraid ja muđui kultuvrras berošteaddji olbmuid. Sámemusea bargun lea sirdit rivttes dieđuid sámekultuvrras. Museapedagogalaš bálvalusat ja oahpistanbálvalusat leat dehálaš diehtosirdinkanála.

Davvi-Lappi lea maiddái erenoamáš vuogas leairaskuvlabáiki: seammás sáhtát oahpásmuvvat sihke sámekultuvrii ja davvilundui. Moattediibmosaš leairaskuvlaprográmmaollisvuhtii gullet čájáhusoahpisteapmi ja oanehis sámegiela oahppadiibmu. Dán bálvalusas berrojuvvo máksu.

"Bures boahtin!"
Prográmma sáhttá gii beare várret ja dat heive maiddái rávesolmmošjoavkkuide.
Sisdoallu:
Čájáhusoahpisteapmi Siiddas (bistá 1h 15 min)
”Bures boahtin” -Sámegiela oahppadiibmu. Oasseváldit oahpahallet davvisámegielat dearvvahanvugiid ja oahpásmuvvet anárašgáktái (bistá 45 min)

Sámemusea čoakkáldat- ja diehtobálvalusat sihke neahttamateriálat addet viidáset gova sámekultuvrra máŋggahápmásašvuođas.

Sámemusea neahttačájáhusat:
http://www.siida.fi/maahisweb
http://www.siida.fi/anaras
http://www.siida.fi/saamjiellem

Lassedieđut:
Kulturdulka Sari Valkonen, tel. +358 (0)40 767 1052, sari.valkonen(at)samimuseum.fi