Ovdasiidu / Mánáide ja studeanttaide

Skuvlamánáide ja studeanttaide

Davvi-Lappi lea erenoamáš vuogas oahpahallanmátkečuozáhat – olmmoš sáhttá oahpásmuvvat oktanaga sihke sámekultuvrii ja arktalaš lundui. Siida láidesta skuvlamánná- ja stuđeantajoavkkuid geasuheaddji dieđuid ja áicamiid gálduid lusa.

Siida fállá movttiidahtti oahppanbirrasa, mas gávdnojit máŋga beali: miellagiddevaš čájáhusat, boares olgomusea, sierralágan dáhpáhusat, Eurohpá áidna álgoálbmoga girjás kultuvra ja davviguovlluid guorba čáppa luondu.

Siidda čájáhusaide oahpásmuvvan doarju viidát skuvllaid oahppaplánaid. Gallestallanmátkki sáhttá plánet kulturantropologiija, luonddudiehtagiid, historjjá, giehtaduoji sihke dáidaga ja gielaid oahpahallama perspektiivvas. Skuvlamánnájoavkkuid várás lea dahkkojuvvon čajáhusgallestallama čiekŋudeaddji oahppamateriála, man sáhttá láddet Siidda siidduin. Siiddas logaldallet kultuvrii ja lundui guoskevaš áššiin, ja Siidda lágidan mátkkit ja eará dáhpáhusat fállet lassevejolašvuođaid oahppamii.

Siiddas sáhttá diŋgot mávssu vuostá maiddái guovttediibmosaš oahpistanollisvuođa, masa gullá vuođđočájáhusoahpisteami lassin davvisámegiela oahppadiibmu ”Bures boahtin!”.Lassedieđut Siidda oahpistemiin dappe.

 

Sámemusea kulturdulka veahkeha dárbbu mielde dahkat čájáhusgallesteapmái individuála prográmmasisdoalu. Luondduguovddáža áššedovdit muitalit áššehasaide Siidda lahkosiin daid čuozáhagaid, maidda gánnáha oahpásmuvvat.

Lassedieđut:
Sámemusea: Amanuensa Áile Aikio, tel. +358(0)40 640 2604, aile.aikio(a)samimuseum.fi
Luondduguovddáš: Luondduguovddáža dikšu Kirsi Ukkonen, tel. +358 (0) 206 39 7746, kirsi.ukkonen(at)metsa.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari