Ovdasiidu / mediai / Siidda arkitektuvra

Siidda arkitektuvra

Siida lea ođđaáigásaš museavisti, mii lea huksejuvvon iežas geavahanulbmila várás. Museavisti arkitektuvra čuvoda funktionála stiilla. Museavistti bajiloainnu ivnniin ja hámiin vuhtto oktavuohta iežas ovdanbuktin čuozáhaga sisdollui.

Museavisti lea lágiduvvon bajil sihke láskut ja ceaggut nu, ahte dat heive hámiid dáfus viehka ovttalágan duovdagii. Gávvaris gáhttohámit čuvodit lahkosiid duovddahámiid ja museavistti sisa dat hábmejit molsašuddi sadjeváikkuhusaid. Olggosguvlui cáhkki, gávvaris reastalasat fas vuolidit allodatváikkuhusa ja addet vistái dán mihtilmas iešlági. Vistti gaskalinnjái oppa dan guhkkodahkii lea biddjojuvvon gáhttolássa, mii addá čuovgga ja luomusvuođa vistti guovddášosiide. Vistti ruŋgu lea ráhkaduvvon stállebetoŋggas ja stális ja bajildusat leat eanaš muoras.

Museavistti siskkobeale vuođđočájáhussaji ivdnin lea idjaalit, eará lanjat leat vielgadat. Čájáhussaji čuovgatvuođa kontrástan lea geavahuvvon mahoŋgaivdnásažžan báidnojuvvon muorra. Almmolaš lanjain láhttit leat ráhkaduvvon terrakottaivdnásaš pigmeanttain čađabáidnojuvvon, saddjojuvvon betoŋggas. Pláhtafuorpmaiguin leikejuvvon stállebetoŋggas ráhkaduvvon gaskavuođu vuollegiera lea guđđojuvvon oidnosii.

Earret kafea čuovgasiid ja teknihkalaš rusttegiid buot vuođđočuovgasat leat plánejuvvon erenoamážit dán vistti várás. Váldogearddis eahpenjulges oktasaščuovggain adnojuvvojit ávkin gávvaris gáhttohámit čuovgga dávistanbajildussan.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari