Ovdasiidu / Miljovdna olbmo fitnan geahččamin Siidda čájáhusaid Anáris

Miljovdna olbmo fitnan geahččamin Siidda čájáhusaid Anáris

Bearjadat 01. Juovlamánnuta 2017, 13.22

Sámemusea ja Badje-Lappi luondduguovddáš Siiddas Anáris leat čuvvon olles dálu historjjá áigge dan, man ollu doppe fitnet galledeaddjit. Juovlamánu 1. beaivve čájáhusguossi Paolo Moriconi Itálias lávkii sisa ja son lei guossi nummir miljovdna. Su bálkkašedje Siida Shop skeaŋkakoarttain ja Siida-koarttain, mainna beassá nuvttá geahččat Siidda čájáhusaid olles loahppaeallima.

Miljovdna olbmo fitnan geahččamin Siidda čájáhusaid Anáris

Museahoavda Sari Valkonen ja vd. párkahoavda Tarja Tuovinen sávaiga lihku Sámemusea ja Badje-Lappi luondduguovddáš Siidda miljovnnat čájáhusguossái, itálialaš Paolo Mariconii. Govva Kirsi Ukkonen/Meahciráđđehus.

Dan áiggis go Siida lea doaibman, de gallestalliid mearri lea rievddadan jahkásaččat. Siidda čájáhusain ja dáhpáhusain leat fitnan jagis 44 000-58 000 olbmo. Dál čájáhusaid leat fitnan geahččamin miljovdna olbmo ja dát lea mearkkašahtti ášši Siidda historjjás. Miellagiddevaš lea maid dat, ahte go rehkenastá buot daid olbmuid geat leat Siiddas fitnan, de mearri lea masá guovttegeardásaš. Uksalohkki lohká buot daid geat leat Siiddas guovlladan. Dát lohku sisttisdoallá čájáhusaid gehččiid lassin maid daid olbmuid geat leat fitnan Siida Shopis, Meahciráđđehusa bálvalanbáikkis, turistarávvemis ja restoráŋŋa Sarrihis.

Siiddas illudit go miljovdna lea olahuvvon justa binná ovdal Siidda 20-ávvujagi. Sámemusea ja Badje-Lappi luondduguovddáš Siida lea rahppon olbmuide 1.4.1998. Turismma mearri lassána Davvi-Suomas. Gallestalliid mearri muittuha maid das, man dárbbašlaš Siidda boahttevaš viiddideapmi lea.

 

Lassedieđut:

Asiakaspalveluvastaava Minna Väisänen, minna.vaisanen@samimuseum.fi, 040-5816434

Museonjohtaja Sari Valkonen, sari.valkonen@samimuseum.fi, 0407671052

Sámi musea, Siida, Inarintie 46, FI-99870 Anár, tel. +358 (0)400 898 212, siida@samimuseum.fi, www.siida.fi

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari