Ovdasiidu / Olgomusea

Sámemusea olgomusea

Olgomusea lea geasiáigge rabas. Das ovdanbuktojit sámiid sierralágan ássanhámit ja bivdovuogit. Áidnalunddot čuozáhagat olgomuseabáikkis leat ee. Tirro šilljobirrasa álgovisttit.

Olgomuseabáikái 1960:s sirdojuvvon Tirro hirsivisttit ovddastit Anára dálolašsámi ássanhámi 1800-logus. Nubbi erenoamáš fiinna čuozáhat lea Mirhamstohpu, Anára ja Gihttela ráji alde sirdojuvvon gearretstohpu, mii lei gitta jahkái 1905 diggeanus. Duomuset vuordi olbmot leat čálašan seinniide iežaset čállosiid.

Olgomuseabáikki birastahtti bálgá guhkkodat lea sullii 800 m. Bálgá guoras leat lagabui 50 oahpásmuvvančuozáhaga. Hirsavisttiid lassin museabáikkis sáhttá oahpásmuvvat sierralágan sirddehahtti goahte- ja lávvoráhkadusaide ja lavdnjevisttiide sihke sierralágan seailluhan- ja bivdoráhkadusaide. Iežas miellagiddevaš lasi ollisvuhtii addá gollegámpá, mii lea museabáikki čađa golgi ádjaga guoras. Olgomusea čájáhushállas vurkkoduvvojit Sámemusea fatnasat ja gerresat sihke eará vuodjinneavvut.

Geađgeáiggi orohat

Anárjávrri gáttis Juvdujoga njálmmis Sámemusea čuozáhagas lea dieđuid mielde ássojuvvon juo ovdahistorjjálaš áiggis, geađgeáiggis ja árrametállaáiggis, sullii 6000 - 2000 jagi dassái. Olgomuseabáikkis dahkkojuvvon roggamiin leat deaivan bivdiolbmuid eallimis muitaleaddji bázahusaid ja gávdnosiid; goahtevuođuid oktan árraniiguin sihke sierralágan bargoneavvuid ja keramihkaid ja buollán dávttiid. Dát báiki lea dološmuitolága vuođul ráfáidahtton.

Olgomusea mobiilaoahpistanrusttegat

Olgomusea vuođđooahpistanrusttegiid leat dievasmahttimin mobiilaoahpistanrustegat, gos gávdnojit lassedieđut olgomusea historjjás ja dan sierra čuozáhagain. Mobiilaoahpistanrusttegas 12 čuozáhaga leat ealáskahtton arkiivagovaiguin, videoiguin ja jietnamateriálaiguin. Dát čuozáhagat leat merkejuvvon galbbaiguin, main gávdnojit QR-kodat. Mobiilaoahpistanrusttega oahpasmuvvamiin dárbbášuvvo fiehttotelefovdna dahje tableahtta, mas gávdno QR-kodalohkki.

Siidda mobiilaoahpistanrusttegat lea davvisámegillii, suomagillii ja eaŋgalsgilii. Sáhttát oahpasmuvvat oahpistanrusttegiidda maid ruovttus, dan liŋkka bokte.

Olgomusebirrasa mobiilaoahpisteapmi lea oassi Musealágádusa fidnoruhtadeami ožžon Olgomusea Dál! -prošeavttas.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari