Sámemusea guovlludoaibma

Sámemusea dikšu Čeavetjávrris doaibmi Nuortalaččaid Árbevierrodálu ja dan čoakkáldagaid. Nuortalaččaid Árbevierrodállu ja olgomusea muitalit Čeavetjávrri nuortalaččaid historjjás. Nuortalaččat leat álgoálggus ássan Beahcámis Guoládatnjárggas Ruošša bealde. Nuppi máilmmisoađi dihte Beahcámis eváhkkoi gártan Suenjela sámit ásaiduhttojedje Čeavetjávri – Njeavdán -guvlui jagi 1949 áigge. Nuortalaččaid Árbevierrodállu doaibmá boares nuortalašbarttas ng. ”nuortalašruovttus” ja dan olgovisttis. Árbevierrodálu lassin dakko lea olgomusea, mainna ovdabuktojuvvo nuortalaččaid Suenjela áigásaš geassebáiki. Árbevierrodálus lea smávva museabuvda, mas sáhttá oastit nuortalašdujiid ja girjjálašvuođa. Nuortalaččaid Árbevierrodállu lea rabas geasiáigge.

Sámemusea guovlludoaibmabáikki oktavuođadieđut:

Nuõrttsaa’mi Ä’rbbvuõttpõrtt - Nuortalaččaid Árbevierrodállu
Sisamannančujuhus: Nuortalaččaid Árbevierrodállu, Sevettijärventie 9041, FI-99930 ČEAVETJÁVRI
Tel. +358 (0)400 373015, kolttaperinnetalo(at)samimuseum.fi (rabas 1.6.-25.9.)
Poastačujuhus: Nuortalaččaid Árbevierrodállu c/o Sámemusea Siida, Inarintie 46, FI-99870 ANÁR

Lassedieđut:
Intendeanta Arja Jomppanen, tel. +358 (0)40 579 3313, arja.jomppanen(at)samimuseum.fi