SIIDA – Lássaráigi sámekultuvrii ja davvilundui

Siida lea guovddáš deaivvadanbáiki Anáris, Suoma sámeguovllu guovddážis. Siida lea lássaráigi sámekultuvrii ja Davvi-Lappi máŋggahápmásaš lundui. Siiddas sáhttá oahpásmuvvat birra jagi moanaide molsašuvvi čájáhusaide, mat gieđahallet kultuvrra, dáidaga ja luonddu.

Siiddas beassá vásihit máŋggalágan miellagiddevaš dáhpáhusaid ja fidne áššedieđuid. Geassebaji áigge Siidda čájáhusfálaldagaid lea dievasmahttimin dovdduidečuohcci olgomuseabáiki. Siiddas lágidit čájáhusaid lassin kultur- ja luonddudáhpáhusaid sihke semináraid.

Siiddas doaibmaba searválagaid Suoma sámiid álbmotmusea ja Meahciráđđehusa luondduguovddáš. Geasuheaddji restoráŋŋa Sarrit bálvala Siidda 2. gearddis.

Bures boahtin Siidii!

“Luondu lea dievva
earálágan šattuid ja elliid.
Ja máilmmis dievva
earálágan gielat ja kultuvrrat.
Mii sámit jurddašit iežamet
dušše oassin dán luonddus.”

Áillohaš, Nils-Aslak Valkeapää (1943-2001)