Oahpistuvvon čájáhusgallestallamat

Siidda čájáhusoahpisteapmi bistá 1 h 15 min. Oahpisteapmái gullet Siidda vuođđočájáhusat. Oahpisteami sáhttá diŋgot suoma-, eaŋgals- ja duiskkagillii. Čájáhusoahpisteapmi máksá 95€ / joavku. Vuogas joavkosturrodat lea eanemustá 25 olbmo / 1 oahpisteaddji.

Olgomusea temáoahpisteamit

Olgomuseai, mii lea rabas geasiáigge, sáhttá diŋgot temáoahpisteami. Dalle ámmátmáhtolaš oahpisteaddji oahpásmuhttá olbmuid dasa, makkár lei eallin Tirro dálus ja Anáris 1850-logus.

Anárjávrri gátti lahkosii vuođđuduvvon čieža hektára viidosaš olgomuseaguovllus ovdanbuktojit guolásteaddjisámiid ja boazosámiid mihtilmas ássanhámit ja sin bivdovuogit.  Olgomuseaguovllus sáhttá oahpásmuvvat earret eará Tirro visttiide, mat leat goas nu buktojuvvon deike Fáškku siste. Oahpisteaddji doalvula gussiid 150 jagi áiggis maŋásguvlui dan áigodahkii, goas Anáris lei dušše soames visttáš ja eallinjođu ledje merkemin gávcci jagiáiggi.

Oahpisteapmi bistá 1h 15 min. Dan sáhttá diŋgot sihke suoma- ja duiskkagillii. Temáoahpisteami haddi lea 18 €/olmmoš (minimahaddi 180 €). Haddái gullet sisabeassanmáksu, olgomuseaoahpisteapmi ja prográmmanummir (mas guossit ráhkadit oahpisteaddji geahču vuolde fierbmegivtta). Prográmmanummira haga haddi lea 14 €/olmmoš (minimahaddi 140 €).

Oahpistanvárremat:
Siidda áššehasbálvalus, tel. +358 (0)400 898 212, fax +358 (0)205 64 7750, siida(at)samimuseum.fi

Doaimmahuseavttut joavkooahpistemiide
Oahpistemiid galgá várret ovddalgihtii. Oahpisteami sáhttá eretgeassit nuvttá guokte jándora ovdal várrejuvvon áiggi. Oahpisteaddji lea báikki alde 15 minuhta ovdal várrejuvvon áiggi ja vuordá joavkku guhkimustá 30 minuhta várrejuvvon áiggi álgima rájes. Jos joavku háliida oahpisteaddji vuordit guhkit, de berrojuvvo vuordimis guđege álgi diimmus 20€. Oahpisteaddji sáhttá vuordit, jos son ii leat čatnasan eará doaimmaide. Diŋgojuvvon oahpisteamis berrojuvvo ollislaš máksu, jos dat ii leat mearreáigái eretgessojuvvon. Oahpisteaddjit leat skuvlejuvvon ja gielalaš freelanceoahpisteaddjit.