Ovdasiidu / Čájáhusláidesteamit

Oahpistuvvon čájáhusgallestallamat 2017

Siiddas lágiduvvojit oahpásmuvvanfálaldagat vuođđočájáhusaide ja geasi áigge maiddái olgomuseai. Sámegillii ja -kultuvrii beassá oahpásmuvvat maiddái somás Buresboahtin -oahppadiimmu oktavuođas. Mii ávžžuhat oahpisteami erenoamážit joavkkuide.

Čájáhussii oahpásmuhttin

Maid boska mearkkaša sámiide? Mo guovssahasat riegádit? Mii dáhpáhuvai Sámeeatnamis 1998:s? Mas Siidda čájáhusain lea jearaldat?

Siidda vuođđočájáhusaide sáhttá oahpásmuvvat čiekŋaleappot ja vuđoleappot oahpisteaddji veahki veagas. Ná olmmoš oahppá eanet čájáhusain ja sáhttá seammás jearrat maiddái njuolgga oahpisteaddjis.

Siidda čájáhusoahpisteapmi gokčá Siidda vuođđočájáhusaid. Oahpisteapmi bistá ovtta diimmu. Gažaldagaide ja ságastallamiidda lea várrejuvvon áigi.

Lea vejolaš diŋgot suoma-, eaŋgals-, ruošša- ja duiskkagielat oahpisteami.

Čájáhusoahpisteami haddi lea 105 €/joavku ja sisabeassanbileahtta/ olmmoš. (2018: 110€)

Joavkosturrodat leat eanemustá 25 olbmo / 1 oahpisteaddji.

 

Olgomuseaoahpisteapmi

Mii lea suoskangáhčči? Mii lea vuovdda?

Olgomuseaoahpisteamis beassá gullat Anára guhkes, measta 10 000 jagi boares historjjás. Dološ olbmuid eallimis guolástus ja meahcástus leat leamaš ceavzima eavttut. Oahpisteaddjis beassá gullat dárkilut dieđuid olgomusea visttiin ja ráhkadusain. Olgomuseas leat measta vihttalogi sierralágan vistti ja ráhkadusa ja dat ovdanbuktet Suoma golmma sámi kultuvrra.

Oahpisteapmi bistá diimmu. Lea vejolaš diŋgot suoma-, eaŋgals- ja duiskkagielat temáoahpisteami.

Oahpisteami haddi lea 105 €/joavku ja sisabeassanbileahtta/ olmmoš. (2018: 110€)

Joavkosturrodat leat eanemustá 25 olbmo / 1 oahpisteaddji.

 

Olgomusea temáoahpisteamit  Tirro šiljus

Mo olbmot ellet Tirro dálus ja Anáris 1850-logus?

Olgomusea temáoahpisteamis oahpisteaddji láidesta gussiid 150 jagi áiggis maŋásguvlui, áigodahkii goas Anáris lei dušše soames visttáš ja eallima ledje merkemin gávcci jagiáiggi. Tirro dálus dolle duoid áiggiid sihke bohccuid ja šibihiid. Ealáhussan ledje guolástus, meahccebivdu, luondduburiid čoaggin ja smávva eanadoallu.

Oahpisteapmi bistá diimmu. Lea vejolaš diŋgot suoma-, eaŋgals- ja duiskkagielat temáoahpisteami.

Temáoahpisteami haddi lea 115 € + sisabeassanbileahtta/olmmoš. (2018: 120€)

Oahpisteapmái sáhttá gullat maiddái prográmmaoassi, mas oahpisteaddji bagadallama mielde ráhkaduvvo (fierbme)gikta. Dalle oahpisteapmi máksá 135 € + 5€ materiálat/olmmoš + sisabeassanbileahtta/olmmoš. (2018: 145€)

Joavkosturrodat lea eanemustá 25 olbmo.

 

Buresboahtin – Tervetuloa! Sámegielain ja kultuvrrain buđaldanbottoš

Oahpa dearvvahit sámegillii! Naba dieđátgo mii lea risku ja masa dat biddjojuvvo?

Oahpisteaddji bagadallama mielde sáhttá oahpásmuvvat sámegávttiide ja leaikkastallanláhkai sámegillii auditorios. Dan maŋŋá joavku vuolgá oahpistuvvon "čájáhusreisui" Siidda váldočájáhusaide. Oppa prográmma bistá oktiibuot 1h 45 minuhta.

Buresboahtin –oahppadiimmu lea vejolaš diŋgot  suoma-, eaŋgals- ja duiskkagielat temáoahpisteami.

Haddi lea 155 € + sisabeassanbileahtta/olmmoš. (2018: 160€)

Joavkosturrodat lea eanemustá 25 olbmo/oahpisteaddji.

 

 

Oahpistanvárremat ja -diđoštallamat: 

Siidda áššehasbálvalus, tel. 0400 898 212, fax 0205 64 7750, siida(at)samimuseum.fi

Doaimmahuseavttut joavkooahpistemiide:
- Min oahpisteaddjit leat skuvlejuvvon ja gielalaš freelanceoahpisteaddjit.
- Oahpistemiid galgá várret ovddalgihtii.
- Oahpisteami sáhttá máhcahit nuvttá guokte jándora ovdal várrejuvvon áiggi. Diŋgojuvvon oahpisteapmi berrojuvvo ollásit, jos dat ii leat mearreáiggi rádjai máhcahuvvon.
- Oahpisteaddji lea báikki alde 15 minuhta ovdal várrejuvvon áigemeari.
- Jos joavku lea maŋŋonan, de oahpisteaddji vuordá joavkku guhkimustá 30 minuhta várrejuvvon áiggi álgimis ja oahpisteapmi nohká dalle, go galggaige nohkat.
- Jos joavku háliida oahpisteaddji vuordit guhkit ja dahkat diŋgojuvvon oahpisteami guhkkosaš oahpisteami, de berrojuvvo vuordináiggis juohke álgi diimmus 35 €. Oahpisteaddji sáhttá vuordit, jos sus eai leat eará čatnaseamit.

Document Actions

GALLESTALLIID INFO

SIIDA
INARINTIE 46, 99870 ANÁR

Sámemusea
Tel. +358 (0)400 898 212

Luondduguovddáš, Meahciráđđehus
Tel. +358 (0)206 39 7740

 

Sajos

ISM-logo1

ILM.jpg

mapinari