Anára turismainfo
Maid Davvi-Lappis sáhttá dahkat ja gos fitnat? Gos sáhttá boradit ja gos gánnáha idjadit? Anára gieldda turismainfos Siiddas mátkkálaččat fidnejit vástádusaid dáidda gažaldagaide ja máŋgga earáge gažaldahkii.
Turismainfo addá dieđuid guovllu oaidnámušain, gallestallančuozáhagain, dáhpáhusain, doaimmain ja bálvalusain. Min hilduin gávdnojit valjis guovllu turismadoaibmiid dieđihančállosat, maid sáhttá váldit fárrui. Mátkkálaččaid rávvejit báikki alde ja maiddái telefovnna ja šleađgapoastta bokte.
Turismainfo lea rabas Siidda rabasáiggiid áigge.
Anára gielddas doaibmi idjadan- ja prográmmabálvalusfitnodagaid gávnnat čuovvovaš siidduin:
www.inarilapland.org
www.saariselka.fi
Turismainfo oktavuođadieđut:
Tel. +358 (0)40 168 9668, tourist.info(at)inari.fi
turismainfo
